یونیورسٹی آف مکران پنجگور کے وائس چانسلر کی وائس چانسلر یونیورسٹی آف گوادر سے ملاقات

پیر 20 اکتوبر 2025 19:02

کوئٹہ (اُردو پوائنٹ اخبارتازہ ترین - اے پی پی۔ 20 اکتوبر2025ء) یونیورسٹی آف مکران پنجگور کے وائس چانسلر پروفیسر ڈاکٹر ممتاز بلوچ نے وائس چانسلر یونیورسٹی آف گوادر پروفیسر ڈاکٹر سے ان کے چمبر میں ملاقات کی،باہمی دلچسپی سمیت مختلف تعلیمی امور پر تفصیلی تبادلہ خیال کیا۔ اس موقع پر اعلیٰ تعلیم کے معیار کو بہتر بنانے، تحقیق و ترقی کو فروغ دینے اور مشترکہ تعلیمی منصوبوں کے آغاز پر اتفاق کیا گیا۔

(جاری ہے)

دونوں جامعات کے سربراہان نے بلوچستان میں اعلیٰ تعلیم کے فروغ، طلبا و اساتذہ کی استعداد کار میں اضافے اور ادارہ جاتی تعاون کو مزید مضبوط بنانے کے عزم کا اظہار کیا۔ملاقات کے اختتام پر وائس چانسلر یونیورسٹی آف گوادر نے مہمان وائس چانسلر کو یادگاری شیلڈ پیش کی۔ یونیورسٹی آف گوادر کے ترجمان کے مطابق اس طرح کی ملاقاتیں صوبے کی جامعات کے درمیان علمی و تحقیقی تعلقات کو مضبوط بنانے اور تعلیمی معیار کو بہتر بنانے میں اہم کردار ادا کرتی ہیں۔