آل پاکستان زیاد اکرم خان درانی فٹ بال ٹورنامنٹ کمباینڈ ممش خیل بنوں نے جیت لیا

جمعرات 27 نومبر 2025 16:13

بنوں (اُردو پوائنٹ اخبارتازہ ترین - این این آئی۔ 27 نومبر2025ء) آل پاکستان زیاد اکرم خان درانی فٹ بال ٹورنامنٹ کمباینڈ ممش خیل بنوں نے جیت لیا جبکہ ماسٹر کلب میانوالی نے دوسری پوزیشن حاصل کی۔ فائنل کی اختتامی تقریب کے مہمان خصوصی قومی اسمبلی کے سابق ڈپٹی سپیکر زاہد اکرم خان درانی تھے، اس موقع پر اقوام بنوں کے رہنما ملک ابرار خان، سابق تحصیل ناظم بنوں انجئیرملک احسان خان، ملک راحت خان تحصیل میونسپل افیسر، محمد یوسف خان، ملک سینان درانی ایڈوکیٹ، ملک ناصر گل خان، شعیب سورانی ، ٹورنامنٹ آرگنائزنگ سیکرٹری اسرار بنگش، نصیب الرحمن سمیت دیگر افسران اور مختلف تنظیموں کے عہدیدار موجود تھے۔

ٹورنامنٹ میں اول آنے والی ٹیم کمباینڈ ممش خیل بنوں کو دو لاکھ روپے بمعہ ونر ٹرافی اور دوسری پوزیشن حاصل کرنے والی ٹیم ماسٹر کلب میانوالی کو پچاس ہزار روپے بمعہ رنر اپ ٹرافی دی گئی جبکہ ماسٹر کلب میانوالی کے کھلاڑی ملک بلال خان کو ٹورنامنٹ کے بہترین کھلاڑی کا اورکمباینڈ ممش خیل بنوں کے کھلاڑی رضوان خان کو ٹاپ سکورر کے ایوارڈ سے نوازا گیا اور دونوں کھلاڑیوں کو پانچ، پانچ ہزار روپے کا انعام دیا گیا۔

(جاری ہے)

گزشتہ روز بنوں سپورٹس کمپلیکس میں ٹورنامنٹ کا فائنل میچ کمباینڈ ممش خیل بنوں اور ماسٹر کلب میانوالی کے درمیان کھیلا گیا جس میں کمباینڈ ممش خیل بنوں نے ماسٹر کلب میانوالی کو 0,2 گول سے ہرا کر چیمپئن بننے کا اعزاز حاصل کرلیا۔ وقفے تک دونوں ٹیمیں گول کرنے میں ناکام رہیں۔ دوسرے ہاف میں کمباینڈ ممش خیل بنوں کی ٹیم نے دونوں گول کئے۔ فاتح ٹیم کی جانب سے رضوان اور صمد وزیر نے ایک، ایک گول کیا.ماسٹر کلب میانوالی کے کھلاڑیوں نے مارجن کم کرنے کی بھر پور کوشش کی لیکن کامیاب نہ ہو سکے۔