ٹائون میونسپل کمشنر لیاقت آباددریا خان پتافی کا جاری پولیو مہم میں امجد صابری ڈسپینسری کا دورہ

پولیو کا خاتمہ ہم سب کی مشترکہ ذمہ داری ہے تمام متعلقہ اداروں کو باہمی تعاون کے ساتھ کام کرنا ہوگا،دریاخان پتافی

جمعرات 18 دسمبر 2025 22:00

کراچی (اُردو پوائنٹ اخبارتازہ ترین - این این آئی۔ 18 دسمبر2025ء) ٹائون میونسپل کمشنر لیاقت آباددریا خان پتافی نے جاری پولیو مہم میں ٹی ایچ او لیاقت آباد ڈاکٹر صفورہ اور چیف میڈیکل آفیسر ڈاکٹر صائمہ صفدر کے ہمراہ امجد صابری ڈسپینسری کا تفصیلی دورہ کیا اور وہاں جاری انتظامات و کارکردگی کا معائنہ کیا۔اس موقع پرڈائریکٹر میڈیکل آصف زیدی،ڈپٹی ڈائریکٹر سینی ٹیشن،و فوکل پرسن پولیو کمپین اور پولیو ٹیم کے ورکرز بھی ان کے ہمراہ موجودہیں۔

دورے کے موقع پر میونسپل کمشنر دریا خان پتافی کو پولیو ٹیم کی جانب سے بریفنگ دی گئی جس میں پولیو مہم کی مجموعی کارکردگی، فیلڈ میں درپیش مسائل، ویکسین کی دستیابی، ٹیموں کی حاضری، اور بچوں تک پولیو کے قطرے پہنچانے کے عمل سے متعلق تفصیلات سے آگاہ کیا گیا۔

(جاری ہے)

میونسپل کمشنر نے پولیو ٹیم کی کارکردگی پر اطمینان کا اظہار کرتے ہوئے کہا کہ پولیو کا خاتمہ ہم سب کی مشترکہ ذمہ داری ہے اور اس مقصد کے حصول کے لیے تمام متعلقہ اداروں کو باہمی تعاون اور یکجہتی کے ساتھ کام کرنا ہوگا۔

میونسپل کمشنر دریا خان پتافی نے واضح ہدایات جاری کرتے ہوئے کہا کہ لیاقت آباد ٹان میں پولیو مہم کے دوران درپیش تمام مسائل کو ترجیحی بنیادوں پر حل کیا جائے گا اور کسی بھی قسم کی غفلت برداشت نہیں کی جائے گی۔اس موقع پر ٹان میڈیکل آفیسر لیاقت آباد ٹان ڈاکٹر صفورہ نے کہا کہ پولیو مہم کو مثر بنانے کے لیے فیلڈ ٹیموں کی مسلسل نگرانی، بروقت رپورٹنگ اور عوامی آگاہی نہایت ضروری ہے۔

انہوں نے کہا کہ لیاقت آباد ٹان میں پولیو ٹیمیں پوری محنت اور ذمہ داری کے ساتھ فرائض انجام دے رہی ہیں۔اس موقع پر چیف میڈیکل آفیسر ڈاکٹر صائمہ صفدر نے کہا کہ پولیو کے مکمل خاتمے کے لیے والدین کا تعاون نہایت ضروری ہے، جبکہ ٹی ایچ او ڈاکٹر صفورہ نے فیلڈ ٹیموں کی مسلسل نگرانی اور بروقت مسائل کے حل کی یقین دہانی کرائی۔