ٹنڈوالہیار پولیس کی کارروائی ،مین پوری گٹکا چرس کچی شراب برآمد کرکے 4 ملزمان کو گرفتار کرلیا

بدھ 7 جنوری 2026 19:20

ٹنڈوالہیار(اُردو پوائنٹ اخبارتازہ ترین - این این آئی۔ 07 جنوری2026ء) ٹنڈوالہ یار کے مشائخ ہوتی تھانہ اور پیارو لوند تھانے پولیس کی بھاری نفری نے تعلقہ جھنڈو مری کے مختلف علاقوں میں مین پوڑی گٹکا کچی شراب بنانے والی منی فیکٹری پر چھاپے مار کر بڑی مقدار میں مین پوری گٹکا چرس کچی شراب برآمد کرکے 4 ملزمان کو گرفتار کیا ہے رابطہ کرنے پر مذکورہ تھانوں کے ایس ایچ اوز نے بتایا کہ یہ کامیاب کارروائی ہم نے ایس ایس پی ٹنڈوالہ یار سید سلیم شاہ کی ہدایت پر کارروائی کرتے ہوئے کچی شراب مین پوڑی گٹکا بنانے والی منی فیکٹریوں پر چھاپے مار کر لاکھوں روپے مالیت کی مین پوڑی گٹکا کچی شراب اور اس کو بنانے والا خام مال سمیت اعلی کوالٹی کی 3کلو چرس برآمد کرکے 4 ملزمان جن علی حسن ۔

شاہجہاں۔

(جاری ہے)

غلام عباس عرف بابو ۔ اور امیر احمد شامل ہیں کو حراست میں لیا ہے انہوں نے بتایا کہ حراست میں لئے گئے ملزمان کے خلاف ابتدائی رپورٹ درج کرکے ان سے مزید تفتیش کی جارہی ہے تاکہ اس گھنانے کام میں ملوث دیگر ملزمان کے خلاف بھی سخت کاروائیاں عمل میں لائی جائے انہوں نے مزید بتایا کہ ایس ایس پی ٹنڈوالہ یار سید سلیم شاہ کی سخت ہدایات ہیں کہ ٹنڈوالہ یار کو منشیات جرائم کرائم اور معاشرتی برائیوں سے پاک کرنے کے ہر اقدامات بروئے کار لائے جائیں ملزمان کی خلاف ہونے والی کسی کاروائیوں پر کسی بھی قسم کو کوئی سمجھوتہ نہیں کیا جائے گا۔