گٹکا ماوا فروشی میں ملوث 2ملزمان گرفتار،123کلو سے زائد گٹکاماوا اور نقدی برآمد

جمعرات 15 جنوری 2026 17:53

کراچی (اُردو پوائنٹ اخبارتازہ ترین - اے پی پی۔ 15 جنوری2026ء) شاہ لطیف اور قائدآباد پولیس نے مختلف کارروائیوں کے دوران گٹکا ماوا فروشی میں ملوث 2ملزمان کو گرفتار کرکے ان کے قبضے سے 123کلو سے زائد گٹکاماوا اور نقدی برآمد کرلی۔

(جاری ہے)

جمعرات کو پولیس ترجمان کے مطابق گرفتار ملزمان میں مبشر علی ولد نثار حسین اورریاض علی ولد قیاس الدین شامل ہیں۔پولیس نے ملزمان کو شاہ لطیف اور مجید کالونی لانڈھی تھانہ قائدآباد کی حدود سے گرفتار کیاہے۔گرفتار ملزمان گٹکا ماوا تیار کر کے مختلف علاقوںمیں سپلائی کرتے تھے۔پولیس نے ملزمان کے خلاف مقدمات درج کر کے تفتیش شروع کردی ہے۔