6 سے 11 مارچ تک ملک میں گرمی کی شدت میں اضافہ متوقع، چند علاقوں میں ہلکی بارش کا امکان: این ڈی ایم اے

جمعہ 6 مارچ 2026 17:53

اسلام آباد(اُردو پوائنٹ اخبارتازہ ترین - آن لائن۔ 06 مارچ2026ء) نیشنل ڈیزاسٹر مینجمنٹ اتھارٹی (این ڈی ایم ای) کے نیشنل ایمرجنسیز آپریشن سینٹر نے 6 سے 11 مارچ 2026 کے دوران ملک میں ممکنہ موسمی صورتحال کے حوالے سے جائزہ جاری کر دیا ہے۔جاری کردہ رپورٹ کے مطابق آئندہ ہفتے کے دوران ملک کے بیشتر علاقوں میں مجموعی طور پر موسم خشک رہنے کا امکان ہے جبکہ درجہ حرارت میں غیر معمولی اضافے کی پیشگوئی کی گئی ہے۔

رپورٹ کے مطابق پنجاب کے بیشتر اضلاع میں موسم خشک رہے گا تاہم 9 سے 11 مارچ کے دوران بعض مقامات پر آندھی اور تیز ہواؤں کے ساتھ ہلکی بارش متوقع ہے۔خطہ پوٹھوہار بشمول اسلام آباد، راولپنڈی ، اٹک ، چکوال، جہلم ، میانوالی میں بھی اسی دوران ہلکی بارش اور جزوی طور پر ابر آلود موسم کا امکان ظاہر کیا گیا ہے۔

(جاری ہے)

ادھر بلوچستان کے بیشتر علاقوں میں موسم خشک اور گرم رہنے کی توقع ہے جبکہ کوئٹہ ، ژوب ، زیارت، قلات سمیت شمالی بلوچستان میں 7 سے 9 مارچ کے دوران ہلکی بارش اور ابر آلود موسم متوقع ہے۔

خیبرپختونخروا میں میں 6 سے 11 مارچ کے دوران عمومی طور پر موسم خشک رہنے اور گرمی کی شدت میں اضافے کا امکان ہے تاہم چترال، دیر، ہری پور ، کوہاٹ، مانسہرہ ، ایبٹ آباد ، پشاور اور دیگر علاقوں میں کہیں کہیں ہلکی بارش متوقع ہے۔ سندھ بھر میں اسی طرحبھر میں موسم خشک رہنے جبکہ دن کے وقت درجہ حرارت معمول سے زیادہ رہنے کی پیشگوئی کی گئی ہے۔رپورٹ کے مطابق گلگت بلتستان، آزاد کشمیر کے کے مختلف علاقوں میں بھی 6 سے 11 مارچ کے دوران چند مقامات پر ہلکی بارش اور جزوی طور پر ابر آلود موسم کا امکان ہے۔

ان علاقوں میں استور، گلگت ، سکردو ، ہنزہ ، مظفر آباد ، نیلم ویلی اور پونچھ شامل ہیں این ڈی ایم اے کے مطابق متوقع موسمی صورتحال کے باعث ملک کے بیشتر علاقوں میں گرمی کی شدت میں اضافہ ہو سکتا ہے اور خشک موسم فصلوں کو متاثر کر سکتا ہے۔ادارے نے کسانوں کو مشورہ دیا ہے کہ وہ فصلوں کی حفاظت کے لیے مؤثر آبپاشی کا بندوبست یقینی بنائیں جبکہ متعلقہ اداروں اور عوام کو موسمی صورتحال اور ممکنہ خطرات سے پیشگی آگاہی فراہم کی جا رہی ہے۔