Live Updates

امریکہ کی شام میں اپنے شہریوں کو وارننگ، ایرانی حملوں کا خدشہ

امریکی شہری محفوظ مقامات پر پناہ لیں اوراپنی ضروریات کا بندوبست کریں،بیان

پیر 30 مارچ 2026 11:30

دمشق(اُردو پوائنٹ اخبارتازہ ترین - این این آئی۔ 30 مارچ2026ء) دمشق سے ایک تشویشناک انتباہ سامنے آیا ہے، جہاں امریکی سفارت خانے نے اپنے شہریوں کو ممکنہ ایرانی خطرات سے خبردار کر دیا ہے۔ دارالحکومت کے شہری مقامات، خصوصا وہ ہوٹل جہاں غیر ملکی قیام کرتے ہیں، ممکنہ طور پر نشانہ بن سکتے ہیں، جس کے باعث فضا میں بے چینی اور خدشات بڑھ گئے ہیں۔

(جاری ہے)

امریکی سفارت خانے نے اپنے بیان میں کہا کہ ایران اس سے قبل بھی خطے میں شہری مقامات کو نشانہ بنا چکا ہے۔

بیان میں مزید بتایا گیا کہ سفارت خانے کو علم ہے کہ بعض اداروں نے اپنے عملے کو ہوٹلوں سے منتقل کرنے کا فیصلہ کیا ہے۔سفارت خانے نے امریکی شہریوں کو مشورہ دیا ہے کہ وہ محفوظ مقامات پر پناہ لیں، اپنی ضروریات کا بندوبست کریں اور ایسے انخلا کے منصوبے تیار رکھیں جو حکومتی مدد پر منحصر نہ ہوں۔