پی اے سی کا ٹینڈر کے عمل کی تکمیل سے قبل سکیورٹی ڈیپازٹس جاری کرنے پر محکمہ آبپاشی کی غفلت پر برہمی کا اظہار

معاملے کی پیڈا ایکٹ 2006 کے تحت انکوائری کی جائے‘چیئرمین چوہدری افتخار حسین چھچھر کی زیر صدارت اجلاس

جمعرات 2 اپریل 2026 22:50

لاہور(اُردو پوائنٹ اخبارتازہ ترین - این این آئی۔ 02 اپریل2026ء) پنجاب اسمبلی کی پبلک اکائونٹس کمیٹی ون نے ٹینڈر کے عمل کی تکمیل سے قبل سکیورٹی ڈیپازٹس جاری کرنے پر محکمہ آبپاشی کی غفلت پر شدید برہمی کا اظہار کرتے ہوئے ہدایت کی کہ اس معاملے کی پیڈا ایکٹ 2006 کے تحت انکوائری کی جائے۔پی اے سی ون کا اجلاس چیئرمین چوہدری افتخار حسین چھچھر کی صدارت میں ہوا ۔

(جاری ہے)

اجلاس میںپنجاب اسمبلی اور دیگر سرکاری محکموں کے افسران نے شرکت کی۔کمیٹی نے مزید ہدایت کی کہ محکمہ عدالتی مقدمات کی پیروی ترجیحی بنیادوں پر کرے، جبکہ وہ مقدمات جو محکمہ خزانہ میں زیرِ التوا ہیں، انہیں 6 دن کے اندر ریگولرائز کیا جائے۔کمیٹی نے محکمہ آبپاشی کو ہدایت کی کہ وہ اپنے داخلی نظام کو مزید موثر اور فعال بنائے۔کمیٹی نے پانی کے تحفظ کی ضرورت پر بھی زور دیا اور ہدایت کی کہ کسانوں کو پانی کی بروقت فراہمی یقینی بنائی جائے۔