سوات،پرورش ہوم سوات کے یتیم طالب علم کی بڑی کامیابی، کرغزستان میں گولڈ میڈل حاصل کرلیا

بدھ 22 اپریل 2026 19:40

سوات (اُردو پوائنٹ اخبارتازہ ترین - این این آئی۔ 22 اپریل2026ء) ضلع سوات کے ہونہار طالب علم حضرت علی نے کرغزستان کے شہر بشکک میں میڈیکل کالج میں شاندار کارکردگی دکھاتے ہوئے ٹاپ پوزیشن حاصل کر کے گولڈ میڈل اپنے نام کر لیا، حضرت علی کا تعلق پرورش ہوم سوات سے ہے اور وہ پیدائش کے بعد والد کے سائے سے محروم ہو گئے تھے، ابتدائی تعلیم کے بعد وہ پرورش ہوم میں زیر تعلیم رہے جہاں انہیں محمد نعیم اللہ کی سرپرستی حاصل ہوئی، بعد ازاں انہوں نے ایف ایس سی میں نمایاں کامیابی حاصل کی اور پھر کرغزستان کے میڈیکل کالج میں داخلہ لیا، تعلیم کے دوران شاندار کارکردگی دکھاتے ہوئے انہوں نے 95 فیصد نمبر حاصل کیے اور اسکالرشپ بھی حاصل کی، بعد ازاں اپنی میڈیکل تعلیم میں پہلی پوزیشن حاصل کر کے گولڈ میڈل جیت لیا، ان کی اس کامیابی کو سوات کے تعلیمی حلقوں نے سراہا ہے۔