زرعی یونیورسٹی فیصل آباد میں فوڈ اینڈ آرٹ فیسٹیول کا انعقاد

منگل 28 اپریل 2026 18:07

فیصل آباد (اُردو پوائنٹ اخبارتازہ ترین - اے پی پی۔ 28 اپریل2026ء) زرعی یونیورسٹی فیصل آباد میں فیکلٹی آف ایگریکلچر کی ایگریرین سوسائٹی کے زیرِ اہتمام فوڈ اینڈ آرٹ فیسٹیول کا انعقاد کیا گیا جس میں مختلف اقسام کے فوڈ سٹالز اور فنونِ لطیفہ کی نمائش کے مقابلے پیش کیے گئے۔افتتاحی تقریب سے خطاب کرتے ہوئے وائس چانسلر پروفیسر ڈاکٹر ذوالفقار علی نے اس اقدام کو سراہا اور طلبہ کی عملی صلاحیتوں کو نکھارنے میں اس طرح کی سرگرمیوں کی اہمیت پر زور دیا۔

(جاری ہے)

انہوں نے طلبہ کو اپنی تخلیقی صلاحیتوں کو بروئے کار لانے کی ترغیب دی اور کہا کہ ایسے پلیٹ فارمز تعلیمی علم کو عملی زندگی سے جوڑتے ہوئے انہیں مستقبل کے پیشہ ورانہ چیلنجز کے لیے تیار کرتے ہیں۔ ڈین کلیہ زراعت ڈاکٹر غلام مرتضیٰ نے کہا کہ اس طرح کے فیسٹیولز نہ صرف تفریح فراہم کرتے ہیں بلکہ ثقافتی آگاہی اور اتحاد کو بھی فروغ دیتے ہیں۔ ڈاکٹر وسیم اکرم نے کہا کہ یہ فیسٹیول طلبہ کی تخلیقی صلاحیتوں کا عکاس ہے۔ انہوں نے کہا کہ اس طرح کی عملی سرگرمیاں طلبہ میں اعتماد اور فنی مہارت میں اضافہ کرتی ہیں۔ ڈاکٹر ندیم اکبر اور دیگر مقررین نے کہا کہ ایسی تقریبات طلبہ میں ٹیم ورک، جدت اور کاروباری صلاحیتوں کو فروغ دیتی ہیں۔