برطانیہ، ادویات کی شدید قلت کا خدشہ، مریضوں کی زندگیاں دائو پر لگ گئیں

صورتِ حال برقرار رہی تو آنے والے دنوں میں ادویات کی قلت سنگین شکل اختیار کر سکتی ہے،ماہرین

ہفتہ 2 مئی 2026 16:55

لندن (اُردو پوائنٹ اخبارتازہ ترین - این این آئی۔ 02 مئی2026ء) مشرقِ وسطی میں جاری بحران کے اثرات برطانیہ تک پہنچنا شروع ہو گئے جہاں ملک بھر میں فارمیسیوں سے اہم ادویات غائب ہونے لگیں۔ماہرین نے خبردار کیا ہے کہ اگر صورتِ حال برقرار رہی تو آنے والے دنوں میں ادویات کی قلت سنگین شکل اختیار کر سکتی ہے۔

(جاری ہے)

رپورٹس کے مطابق بلڈ پریشر، مرگی اور کینسر کے علاج میں استعمال ہونے والی ادویات کی دستیابی متاثر ہو رہی ہے جس سے مریضوں کو فالج، ہارٹ اٹیک اور دوروں جیسے خطرات لاحق ہیں، ادویات کی کمی کے باعث مریض ذہنی دبا کا بھی شکار ہو رہے ہیں۔

ماہرین کا کہنا تھا کہ عالمی سطح پر سپلائی چین میں خلل اس بحران کی بڑی وجہ ہے، فضائی اور سمندری مال برداری کے اخراجات میں اضافے سے ادویات کی قیمتیں بھی بڑھ رہی ہیں۔