گزشتہ ماہ ٹریفک حادثات میں 375 افراد جان کی بازی ہار گئے‘ ڈاکٹر رضوان نصیر

لاہور (اُردو پوائنٹ اخبارتازہ ترین - این این آئی۔ 02 مئی2026ء) سیکرٹری ایمرجنسی سروسز ڈیپارٹمنٹ، ڈاکٹر رضوان نصیر نے پنجاب کے تمام اضلاع کی ماہ مارچ 2026کی آپریشنل کارکردگی کا جائزہ لیا۔ڈاکٹر رضوان نصیر نے کہا کہ پنجاب ایمرجنسی سروس (ریسکیو 1122)نے ماہ اپریل کے دوران پنجاب بھر میں215,639 ایمرجنسیز پربروقت رسپانس کرتے ہو ئی217,982ایمرجنسی متاثرین کو ریسکیوسروسز فراہم کیں۔

انہوں نے گزشتہ ماہ کے دوران40,549روڈ ٹریفک حادثات میں 20,658 افراد کے شدید زخمی اور 375 افراد کے جاں بحق ہونے پر گہری تشویش کا اظہار کیا۔وہ گزشتہ روز ماہانہ آپریشنل کارکردگی کے حوالے سے منعقدہ اجلاس کی صدارت کر رہے تھے جس میں ایمرجنسی سروسز ڈیپارٹمنٹ کے ڈائریکٹرز، ونگز کے سربراہان، صوبائی مانیٹرنگ آفیسر نے شرکت کی جبکہ ڈویژنل ایمرجنسی آفیسرز اور پنجاب بھر کے ضلعی ایمرجنسی افسران ویڈیو لنک کے ذریعے شریک ہوئے ۔

(جاری ہے)

پنجاب بھر کے ضلعی ایمرجنسی افسران نے اہم ریسکیو آپریشن، حادثات و ایمرجنسیز،کیس اسٹڈیز،درپیش چیلنجز، قابل ذکر اقدامات سمیت اپنی آپریشنل کارکردگی کے بارے میںآگاہ کیا۔صوبائی مانیٹرنگ آفیسر نے بریفنگ دیتے ہوئے بتایا کہ پنجاب ایمرجنسی سروس (ریسکیو 1122) نے گزشتہ ماہ اپریل کے دوران 215,639 ایمرجنسیز پر بروقت ایمرجنسی سروسز فراہم کیں ،جن میںسب سے زیادہ ایمرجنسیز54,292 روڈ ایکسیڈنٹ اورٹراما کی تھیں، اس کے علاوہ42,341 دل کے امراض، 34,712 معدہ و نظام ہاضمہ، 19,489 سانس کی بیماریوں، 16,085 اعصابی امراض، 10,290 بخار ، 5,648 شوگر، 6,408 مثانہ کے امراض، 5,451امراضِ نسواںو زچگی، 4,143 ریڑھ، 4,425جرائم ایمرجنسیز کی کال، 4,153 نفسیاتی امراض اور جوڑوںکے درد، 401 الرجی کی ایمرجنسیز جبکہ 7,063 آگ لگنے اور ریسکیو سے متعلق ایمرجنسیز رپورٹ ہوئیں۔

ایمرجنسی اعداد و شمار کے مطابق پنجاب میں گزشتہ ماہ کے دوران 4,0549روڈ ٹریفک حادثات میں 375 افراد جاں بحق ہوئے۔ ان ٹریفک حادثات میں سے زیادہ تر 7,444ٹریفک حادثات لاہور میں ہوئے جن میں45 افراد جاں بحق ہوئی اسی طرح فصیل آباد میں2,847، ملتان میں 2,595،گوجرانوالہ میں 2,026، شیخوپورہ میں 1,513اور ساہیوال میں 1,260جبکہ 2,2874حادثات پنجاب کے باقی اضلاع میں رونما ہوئے۔

اسی طرح آگ لگنے کے سب سے زیادہ واقعات بڑے اضلاع میں ہوئے جن میں لاہور میں 486کے ساتھ سرفہرست رہا جبکہ فیصل آباد میں197، ملتا ن130،شیخوپورہ میں 127،بہاولنگر میں 120اورسیالکوٹ میں108واقعات پیش آئے۔پنجاب ایمرجنسی سروس ریسکیو 1122 نے صوبائی دارالحکومت لاہور میں سب سے زیادہ 7,444 ٹریفک حادثات رپورٹ ہوئے جن میں 8,221 موٹر سائیکلیں شامل تھیں۔

فیصل آباد میں 2,847 حادثات پیش آئے جن میں 2,984 موٹر سائیکلیں جبکہ ملتان میں 2,595 حادثات میں 3,037 موٹر سائیکلیں شامل تھیں۔ اسی طرح گوجرانوالہ میں 2,026 حادثات میں 2,152 موٹر سائیکلیں جبکہ شیخوپورہ میں 1,513 حادثات میں 1,467 موٹر سائیکلیں ملوث تھیں۔ سب سے کم حادثات مری میں رپورٹ ہوئے جہاں 134 حادثات میں 107 موٹر سائیکلیں شامل تھیں۔ڈاکٹر رضوان نصیر نے حادثات کے اعداد و شمار کا تفصیلی جائزہ لینے کے بعد گزشتہ ماہ کے دوران40,549روڈ ٹریفک حادثات میں 375 افراد کی ہلاکتوں پر گہری تشویش کا اظہار کرتے ہوئے کہا کہ ان حادثات میں 72 فیصد موٹر سائیکل شامل تھیں۔

انہوں نے موٹر بائیک رائڈرزپر زور دیا کہ وہ محفوظ ڈرائیو کریں اور سڑک کے بائیں جانب 50 کلومیٹر فی گھنٹہ سے کم رفتار پر سفر کریں، کیونکہ رفتار میں ہر 1 کلومیٹر فی گھنٹہ اضافہ مہلک حادثے کے خطرے کو 4 سے 5 فیصد تک بڑھا دیتا ہے۔