جیٹ فیول کی قلت سے نمٹنے کیلئے برطانوی حکومت کے نئے منصوبے کا اعلان

ْمنصوبے کا مقصد یہ ہے کہ مسافر آخری وقت میں پرواز کی منسوخی یا دیگر مسائل سے بچ سکیں،بیان

اتوار 3 مئی 2026 18:50

لندن(اُردو پوائنٹ اخبارتازہ ترین - این این آئی۔ 03 مئی2026ء) طیاروں کیلئے درکار ایندھن کی قلت سے نمٹنے کیلئے برطانوی حکومت نے نیا منصوبہ بنا لیا۔حکومت کی جانب سے جاری بیان میں بتایا گیا کہ جیٹ فیول کی قلت سے نمٹنے کیلئے عارضی طور پر فضائی کمپنیوں کو کم پروازوں میں زیادہ مسافروں کو ان کی منزلوں تک پہنچانے کی اجازت دی جائے گی۔

(جاری ہے)

بیان کے مطابق منصوبے کا مقصد یہ ہے کہ مسافر آخری وقت میں پرواز کی منسوخی یا دیگر مسائل سے بچ سکیں،اس مقصد کے لیے فضائی کمپنیوں کو ایک ہی دن ایک منزل کی پروازوں کو ضم کرنے کی اجازت ہوگی،اس منصوبے کے تحت حکومت کی جانب سے 4 ریفائنریوں اور امریکا سے ایندھن کی سپلائی بڑھانے پر بھی کام کیا جائے گا۔

بیان میں بتایا گیا کہ جیٹ فیول ابھی دستیاب ہے مگر مسئلہ حل نہ ہونے پر چند ہفتوں میں مسائل پیدا ہوسکتے ہیں۔