واٹر کارپوریشن میں آئوٹ سورسنگ اور میڈیکل مسائل کیخلاف احتجاج

آئوٹ سورسنگ کا فیصلہ واپس لیا جائے، بصورت دیگر ایم ڈی آفس کارساز کے سامنے احتجاج کا دائرہ وسیع کیا جائے گا،پیپلز یونائیٹڈ لیبر الائنس نیو کراچی ٹائون

اتوار 3 مئی 2026 19:05

کراچی(اُردو پوائنٹ اخبارتازہ ترین - این این آئی۔ 03 مئی2026ء) پیپلز یونائیٹڈ لیبر الائنس نیو کراچی ٹاون کے زیر اہتمام کراچی واٹر اینڈسیوریج کارپوریشن کے میڈیکل کی ابتر صورتحال ،ٹیکس اور سیوریج ڈیپارٹمنٹ کو آوٹ سورس کرنے کے خلاف نیوکراچی ٹاون آفس میں احتجاجی مظاہرہ کیا گیا۔احتجاجی مظاہرہ کا آغار شعیب جاوید نے تلاوت قران پاک سے کیا۔سلیم محمود نے دعا کرائی شعیب جاوید نے کمپیرنگ کے فرائض انجام دیے اس موقع پر شدید نعرے بازی کی گئی۔

احتجاجی مظاہرے میں پیپلز یونائیٹڈ لیبر الائنس کے الائنس کے صدر معشوق لغاری جنرل سیکریٹری محمد اکرام خان سنیئر نائب چیئرمین پنھل خان مگسی ویلفیِر سیکریٹری ناظم خان مرکزی رہنما وں سلیم محمود عالم خان جوکھیو،عثمان خانزادہ،مسعود خان,غلام مصطفی نے احتجاجی مظاہرین سے خطاب کیا۔

(جاری ہے)

سینئر نائب صدراشفاق اعوان فنانس سیکریٹری اصغر خان نائب صدرحفیظ خان کمیٹی ممبرپطرس مسیح ،مرکزی رہنما علی بروہی ،سیموئل ہدایت، سیم ،بابر شیخ، عقیل صدیقی اور نیو کراچی ٹاون اور ڈسٹرکٹ سینٹرل کے واٹر کارپوریشن کے ملازمین نے احتجاجی مظاہرے میں بھرپور شرکت کی شرکا نے اپنے خطاب میں واٹر کارپوریشن کی انتظامیہ کو تنبیہ کی کہ وہ ملازمین کی زندگیوں سے کھیلنا بند کریں اور ملازمین کے میڈیکل کے مسائل کو فوری حل کریں اور ٹیکس ڈیپارٹمنٹ اور سیوریج کو آوٹ سورس کرنے کے فیصلے کو ختم کیا جائے ورنہ MD آفس کارساز پر بھرپور احتجاج ہوگا اور احتجاج اس وقت تک ختم نہیں ہوگا جب تک واٹر کارپوریشن کے ملازمین کے مسائل حل نہ ہو جائیں۔

احتجاجی مظاہرے کو ایوب مگسی ،زبیر احمد، امجد انصاری، رفاقت بھٹی، ریاض بھٹی ،حفیظ احمد، پطرس ، اسٹیفن ، نعمان ، یاسر، جاوید مغل، محمدندیم، محمد سلمان نے آرگنائز کیا۔