ڈسٹرکٹ ویسٹ پولیس کی مختلف کارروائیاں،منشیات فروشی میں ملوث دو ملزمان گرفتار

جمعرات 7 مئی 2026 16:07

کراچی(اُردو پوائنٹ اخبارتازہ ترین - این این آئی۔ 07 مئی2026ء) ڈسٹرکٹ ویسٹ پولیس نے مختلف کارروائیوں کے دوران منشیات فروشی میں ملوث دو ملزمان کو گرفتار کرلیا۔تھانہ اقبال مارکیٹ پولیس نے سیکٹر 11 میں کارروائی کرتے ہوئے ملزم اختر ولد امیر کو گرفتار کیا، جس کے قبضے سے مختلف پڑیوں میں موجود 21 گرام آئس اور نقدی رقم برآمد ہوئی۔

(جاری ہے)

دوسری جانب تھانہ مومن آباد پولیس نے خفیہ اطلاع پر کارروائی کرتے ہوئے مطلوب منشیات فروش شبیر حسین ولد مختیار حسین کو گرفتار کرلیا۔

پولیس کے مطابق گرفتار ملزم کا نام مطلوب منشیات فروشوں کی فہرست میں بھی شامل تھا۔ ملزم کے قبضے سے 23 گرام کرسٹال اور فروختگی سے حاصل شدہ نقدی رقم برآمد ہوئی۔پولیس نے دونوں ملزمان کے خلاف نارکوٹیکس ایکٹ کے تحت مقدمات درج کرکے مزید تفتیش کا آغاز کردیا ہے۔