ساہیوال، دو وکلاء کے گھر وں میں چور ی کی وارداتیں،چور 2 کروڑ 66 ہزار روپے نقدی ، زیورات لے اڑے

جمعہ 8 مئی 2026 17:33

ساہیوال(اُردو پوائنٹ اخبارتازہ ترین - این این آئی۔ 08 مئی2026ء) فتح شیر کالونی ڈکیتی کی وارداتوں میں چور 2وکلاء کے گھر وں میں 2کروڑ 66ہزار روپے نقدی ، زیورات چرا لئے ۔ تفصیلات کے مطابق نقب زن فتح شیر کالونی میں چور ی قیصر امین ایڈووکیٹ کے گھر سے ایک کروڑ10لاکھ روپے کے زیوارت اور دس ہزار روپے نقدی لوٹ لی گئی۔

(جاری ہے)

موکل کالونی میں چوہدری محمد اسلم وکیل کے گھر سے 90لاکھ روپے مالیت کے زیورات اور56ہزار روپے نقدی لوٹ کرنا معلوم ملزم فرار ہو گئے ۔پولیس فتح شیر نے چوہدری قیصر امین اورچوہدری محمد اسلم کی مدعیت میں دو مقدمات درج کر کے تفتیش شروع کر دی ہے ابھی تک ملزموں کا سراغ نہیں چل سکا۔پولیس فتح شیر نے چوہدری محمد اسلم ایڈووکیٹ کی گھریلو ملازمہ کاشفہ نامی کو حراست میں لے لیا ہے ۔