Live Updates

یو اے ای کا ایران کے 2بیلسٹک میزائل،3ڈرونز تباہ کرنے کا دعوی

ایرانی حملوں کے آغاز سے اب تک فضائی دفاعی نظام551بیلسٹک میزائل ناکام بنائے،بیان

جمعہ 8 مئی 2026 22:55

ابوظہبی (اُردو پوائنٹ اخبارتازہ ترین - این این آئی۔ 08 مئی2026ء) متحدہ عرب امارات نے ایران کے 2 بیلسٹک میزائل اور 3 ڈرونز تباہ کرنے کا دعویٰ کیا ہے۔سوشل میڈیا سائٹ ایکس پر جاری بیان میں امارتی وزارت دفاع نے کہا کہ دفاعی نظام نے ایران سے داغے گئے 2 بیلسٹک میزائل اور 3 ڈرونز کو تباہ کر دئیے۔

(جاری ہے)

بیان میں بتایا گیا کہ ایران کے یو اے ای پر اس حملے میں 3 افراد زخمی ہوئے ۔یو اے ای حکام نے مزید کہا کہ متحدہ عرب امارات پر ایرانی حملوں کے آغاز سے اب تک فضائی دفاعی نظام مجموعی طور پر 551 بیلسٹک میزائل، 29 کروز میزائل اور 2,263 ڈرونز کو ناکام بنا چکا ۔ایران نے تاحال اس تازہ پیش رفت پر کوئی ردِعمل ظاہر نہیں کیا۔