بلدیاتی انتخابات، ریفارم 1350سیٹیں حاصل کر کے پہلے نمبر پر

لیبر پارٹی انگلینڈ میں 868سیٹوں کے سا تھ دوسرے نمبر ہے، انتخابی نتائج

ہفتہ 9 مئی 2026 13:03

لندن(اُردو پوائنٹ اخبارتازہ ترین - این این آئی۔ 09 مئی2026ء) انگلینڈ کے بلدیاتی انتخابات میں حکمراں لیبر پارٹی کو بھاری نقصان، ریفارم 1350 سے زائد سیٹیں حاصل کر کے پہلے نمبر پر ہے۔انتخابی نتائج کے مطابق لیبر پارٹی انگلینڈ میں 868 سیٹوں کے سا تھ دوسرے نمبر ہے، جبکہ ریفارم یوکے نے شمالی انگلینڈ میں بڑی کامیابیاں حاصل کی ہیں۔

(جاری ہے)

ہارٹل پول میں ریفارم یوکے نے تمام 12 نشستیں جیت لیں، میڈیا رپورٹ کے مطابق کیئر اسٹارمر کی قیادت پر مزید سوال اٹھ گئے ہیں۔

لیبر کے کئی مضبوط گڑھ ریفارم یوکے کے ہاتھوں سے نکل گئے، جوناتھن بریش نے کیئر اسٹارمر سے استعفے کا مطالبہ کردیا۔ہیلٹن میں ریفارم یوکے نے 15 نشستیں اپنے نام کرلیں، ویگن میں لیبر کو بیس نشستوں کا نقصان ہوا، جبکہ ریفارم کو 23 نشستیں مل گئیں۔دوسری جانب اسٹاک پورٹ کونسل پر لبرل ڈیموکریٹس کا کنٹرول قائم ہے۔