امریکا ،میامی کے قریب کشتی میں دھماکے کے باعث 11 افراد زخمی

اتوار 10 مئی 2026 08:59

نیویارک (اُردو پوائنٹ اخبارتازہ ترین - اے پی پی۔ 10 مئی2026ء) امریکا کی ریاست فلوریڈا کے شہر میامی کے قریب کشتی میں دھماکے کے نتیجے میں کم از کم 11 افراد زخمی ہوگئے۔شنہوا کے مطابق حکام نے بتایا کہ واقعہ بسکین بے میں ہولوور سینڈبار کے قریب پیش آیا، جہاں مسافروں کو لے جانے والی ایک چارٹر کشتی میں اچانک دھماکہ ہوگیا۔

(جاری ہے)

فلوریڈا فِش اینڈ وائلڈ لائف کنزرویشن کمیشن کی ترجمان میلیسا بریوک نے بتایا کہ دھماکے کے وقت کشتی میں متعدد مسافر سوار تھے۔

میامی ڈیڈ فائر ریسکیو کے مطابق مقامی وقت کے مطابق دوپہر 12 بج کر 48 منٹ پر “ممکنہ کشتی دھماکے” کی اطلاع موصول ہوئی، جس کے بعد امدادی ٹیمیں فوری طور پر موقع پر پہنچ گئیں۔ریسکیو حکام کا کہنا ہے کہ جائے وقوعہ پر کئی زخمی افراد کو طبی امداد فراہم کی گئی اور بعد ازاں انہیں قریبی اسپتالوں میں منتقل کردیا گیا۔حکام کے مطابق دھماکے کی وجوہات تاحال معلوم نہیں ہوسکیں جبکہ واقعے کی تحقیقات جاری ہیں۔