Live Updates

کوئی بیرونی طاقت ورلڈ کپ میں شرکت سے محروم نہیں کرسکتی، ایرانی فٹبال فیڈریشن

ایرانی فٹبال ٹیم اپنی اہلیت سے ورلڈ کپ کے لیے کوالیفائی کرچکی ہے، فیڈریشن

اتوار 10 مئی 2026 13:40

تہران(اُردو پوائنٹ اخبارتازہ ترین - این این آئی۔ 10 مئی2026ء) ایرانی فٹبال فیڈریشن نے کہا ہے کہ کوئی بیرونی طاقت ایران کو ورلڈ کپ میں شرکت سے محروم نہیں کرسکتی ہے۔ایرانی میڈیاکے مطابق فٹبال ورلڈ کپ میں ایرانی ٹیم کی شرکت پر فٹبال فیڈریشن نے ردعمل دیا اور کہا کہ میگا ایونٹ کے باضابطہ آغاز میں تقریباًایک ماہ باقی ہے۔

(جاری ہے)

فٹ بال فیڈریشن نے کہا کہ ایرانی فٹ بال ٹیم ورلڈ کپ میں شرکت کی بھرپور تیاری کر رہی ہے، تربیتی کیمپ ٹیم کی ترکیہ روانگی تک جاری رہے گا۔

ایرانی خبر ایجنسی کے مطابق فیڈریشن نے کہا کہ ایرانی فٹبال ٹیم اپنی اہلیت سے ورلڈ کپ کے لیے کوالیفائی کرچکی ہے، کوئی بیرونی طاقت ایران کو ورلڈ کپ میں شرکت سے محروم نہیں کرسکتی۔خبر ایجنسی کے مطابق ورلڈ کپ میں یقینی شرکت کریں گے لیکن میزبان کو ہمارے تحفظات کو مدنظر رکھنا ہوگا، میزبان نے میزبانی کے آداب نہیں سیکھے تو ہم اسے دوسری زبان میں سکھائیں گے۔