حج 2026،سعودی حکام کی لاجسٹکس، سیفٹی اور ٹرانسپورٹ تیاریاں مکمل

پیر 11 مئی 2026 11:55

ریاض (اُردو پوائنٹ اخبارتازہ ترین - اے پی پی۔ 11 مئی2026ء) سعودی وزارت حج و عمرہ نےحج کے دوران رمی جمرات کے لیے عازمین حج کی موومنٹ کو منظم کرنے، مقدس مقامات پر میٹرو تک رسائی آسان بنانے اور آمد و رفت کی نگرانی کے لیے انتظامی اور فیلڈ تیاریاں مکمل کرلی ہیں۔ اردو نیوز کے مطابق وزارت حج کی متعلقہ ادراوں کے تعاون سے کی جانے والی یہ کوششیں ایڈوانس پلاننگ اور ماڈرن ٹیکنالوجی پر مبنی ایک مربوط آپریشنل سسٹم کا حصہ ہیں تاکہ پورے حج سیزن میں عازمین کی موومنٹ اور ان کی سلامتی کو یقینی بنایا جا سکے۔

وزارت، حج فیلڈ کوآرڈینیشن کو بھی ایک یونیفائیڈ لیڈر شپ فریم ورک، معلومات کے تیز تر تبادلے اور زمینی صورتحال سے نمنٹے کے لیے فوری ردعمل کے نظام کے ذریعے بہتر بنا رہی ہے۔

(جاری ہے)

ایام حج میں رمی کے لیے جمرات پر عازمین کی آمد ورفت کو منظم رکھنے کےلیے حج مشنز کے تعاون سے جامع پروگرام تشکیل دیا جاتا ہے، جس کے تحت عازمین کو شیڈول کے مطابق بھیجا جاتا ہے۔

وزارت کی جانب سے مشاعر ٹرین کے شیڈول کا بھی جائزہ لے کر جامع آپریشنل پلان کو نافذ کرنے کی ہدایت کی گئی ہے، جس کے تحت مشاعر ٹرین سٹینشنز پر اضافی اہلکار تعینات ہوں گے۔مشاعر ٹرین کے راستوں اور سٹیشنز پر تعینات اہلکاروں کو کراوڈ کنٹرولنگ کی مکمل تربیت دی گئی ہے، تاکہ ضیوف الرحمان کو ہر ممکن سہولت فراہم کی جاسکے۔وزارت نے عازمین پر زور دیا کہ وہ منظم حج تجربے کو یقینی بنانے کے لیے ضوابط اور دیے گئے شیڈول پرعمل کریں۔