ڈبلیو ایچ او کی ایم وی ہونڈیئس کے مسافروں کو 42 روزہ قرنطینہ کی ہدایت

عالمی ادار صحت نے متاثرہ یا ممکنہ متاثرہ افراد کے لیے 42 دن کی نگرانی اور قرنطینہ کا مشورہ د یدیا

پیر 11 مئی 2026 13:25

جنیوا(اُردو پوائنٹ اخبارتازہ ترین - این این آئی۔ 11 مئی2026ء) عالمی ادار صحت کے ڈائریکٹر جنرل ڈاکٹر ٹیڈروس اذانوم گریبیسس نے ہنٹا وائرس سے متاثرہ کروز شپ ایم وی ہونڈیئس سے نکالے گئے مسافروں کے لیے 42 روزہ قرنطینہ کی سفارش کر دی ہے۔

(جاری ہے)

انہوں نے جنیوا میں بریفنگ کے دوران کہا کہ عالمی ادار صحت نے متاثرہ یا ممکنہ متاثرہ افراد کے لیے 42 دن کی نگرانی اور قرنطینہ کا مشورہ دیا ہے۔

تاہم انہوں نے واضح کیا کہ ڈبلیو ایچ او صرف سفارشات جاری کرتا ہے، انہیں رکن ممالک پر نافذ نہیں کرتا۔ایم وی ہونڈیئس نامی کروز شپ، جس میں تقریبا 150 مسافر سوار تھے، تین ہفتے قبل ارجنٹینا کے شہر اوشوایا سے روانہ ہوئی تھی اور کینری جزائر کی جانب جا رہی تھی۔ جہاز میں زیادہ تر امریکی، برطانوی، ہسپانوی اور ڈچ شہری سوار تھے۔