گورنر خیبرپختونخوا سے جامعہ فیض القرآن والسنتہ پشاور کے مہتمم پیر مولانا محمد ابوبکر صدیق کی ملاقات

پیر 11 مئی 2026 19:23

پشاور (اُردو پوائنٹ اخبارتازہ ترین - اے پی پی۔ 11 مئی2026ء) گورنر خیبرپختونخوا فیصل کریم کنڈی سے پیر کے روز جامعہ فیض القرآن والسنتہ پشاور کے مہتمم پیر مولانا محمد ابوبکر صدیق نے ملاقات کی۔گورنر ہاوس پشاور تر جمان کے مطابق وفد میں مولانا عبد الولی گل ترابی بھی شامل تھے۔ملاقات میں پشاور شہر خصوصا بیرون حلقہ پی کے 83میں موجودہ بدامنی، علماء کرام ودیگر سفید پوش لوگوں کی مشکلات، سٹریٹ کرائم کے حوالے سے بات چیت کی گئی ۔

(جاری ہے)

وفد میں اتحاد ائمۃ المساجد رشید گھڑی پشاور کے امیر مولانا قاری محمد شیرین ،مولانا سیف اللہ، مولانا فضل دیان، مولانا زکریا،مولانا اکرام الحق ، مولانا سہیل احمد مدنی ، قاری ذاکر اللہ ، قاری امیر معاویہ مدنی شامل تھے۔گورنر خیبرپختونخوا فیصل کریم کنڈی نے کہا کہ علماء کی شہادتوں کے بڑھتے واقعات لمحہ فکریہ ہیں ۔محراب و منبر سے امن کا پرچار وقت کی اہم ضرورت ہے دہشت گردوں کا تعلق مذہب سے ہے نہ انسانیت سے ۔ بے گناہوں کی جانیں لینے والے اسلام اور انسانیت کے دشمن ہیں ۔انہوں نے وفد کی جانب سے دینی مدارس کو گیس ، واپڈا اور دیگر وفاقی محکمہ جات سے متعلق مسائل پر انہیں ہرممکن تعاون کی یقین دہانی کرائی