پاکستان مسلم لیگ وطن کے دفاع کے لیے فیلڈ مارشل سید عاصم منیر کی قیادت میں افواج پاکستان کے شانہ بشانہ کھڑی ہے۔ چوہدری سالک حسین

معرکہ حق نے دشمن کے 75 سالہ غرور کو 72 گھنٹے کے اندر خاک میں ملا دیا۔ وفاقی وزیر کا گجرات میں معرکہ حق سے اظہار یکجتی کے لیے بڑی ریلی سے خطاب

عمر جمشید پیر 11 مئی 2026 15:44

پاکستان مسلم لیگ وطن کے دفاع کے لیے فیلڈ مارشل سید عاصم منیر کی قیادت ..

گجرات (اُردو پوائنٹ اخبارتازہ ترین۔ 11 مئی2026ء) وفاقی وزیر برائے اوورسیز پاکستانیز و ہیومن ریسورس ڈوویلپمنٹ چوہدری سالک حسین کی قیادت میں معرکہ حق کی پہلی سالگرہ کے موقع پر افواج پاکستان سے اظہار یکجتی اور وطن عزیز کی دفاعی صلاحیتوں کے اعتراف میں بھرپور عوامی ریلی کا انعقاد کیا گیا۔
اس موقع پر ریلی شرکاء سے خطاب کرتے ہوئے وفاقی وزیر نے کہا کہ مسلم لیگ پاکستان کی بانی جماعت اور وطن عزیز کے دفاع اور وقار کے لیے اپنی بہادر افواج کے شانہ بشانہ کھڑی ہے۔

انہوں نے کہا کہ فیلڈ مارشل سید عاصم منیر کی قیادت میں مملکت خداداد دفاعی صلاحیتوں کے جوہر دکھا رہی ہے۔ اس وقت پاکستان کی دفاعی اور سفارتی نمایاں پوزیشن کی معترف عالمی طاقتیں ہیں۔
انہوں نے کہا کہ معرکہ حق نے دشمن کے 75 سالہ غرور کو 72 گھنٹے کے اندر خاک میں ملا دیا۔

(جاری ہے)

چوہدری شجاعت حسین نے ہمیشہ ملکی وسیع مفادات کو اپنے ذاتی مفادات پر مقدم رکھا۔

جس کا ثبوت پاکستان مسلم لیگ کے دور اقتدار میں تاریخ ساز ترقی تھی۔ پاکستان مسلم لیگ کے منشور میں عوامی معیار زندگی کو بہتر بنانا اولین ترجیح ہے۔ انہوں نے کہا کہ وزارت کے پلیٹ فارم سے نوجوانوں کو باروزگار بنانے کے لیے ان کی فنی تربیت اور انہیں بیرون ملک روزگار کے مواقع فراہم کرنے کے لیے ہنگامی بنیادوں پر اقدامات اٹھا رہا ہوں تاکہ نوجوان باروزگار ہوکر ملک کی تعمیر و ترقی میں اپنا کردار ادا کر سکیں۔ انہوں نے کہا کہ موجودہ حکومت وزیراعظم شہباز شریف کی قیادت میں چیلنجز سے نبردآزما ہونے کے لیے دن دات کوشاں ہے۔