چین میں اپریل میں کنزیومر پرائس انڈیکس میں معتدل بحالی، پروڈیوسر پرائس انڈیکس میں اضافہ

منگل 12 مئی 2026 09:25

بیجنگ (اُردو پوائنٹ اخبارتازہ ترین - اے پی پی۔ 12 مئی2026ء) چین میں رواں سال اپریل کے دوران کنزیومر پرائس انڈیکس میں معتدل بحالی جبکہ پروڈیوسر پرائس انڈیکس میں اضافہ ریکارڈ کیا گیا۔

(جاری ہے)

سی جی ٹی این کے مطابق اپریل میں بین الاقوامی خام تیل کی قیمتوں میں اتار چڑھاؤ اور تعطیلات کے دوران سفر کی بڑھتی ہوئی طلب کے اثرات کی وجہ سے کنزیومر پرائس انڈیکس مارچ کے مقابلے میں 0.3 فیصد بڑھا جبکہ پچھلے سال کی اسی مدت کے مقابلےمیں یہ اضافہ 1.2 فیصد ریکارڈ کیا گیا ۔

رپورٹ کے مطابق خوراک اور توانائی کی قیمتوں کو نکال کر بنیادی سی پی آئی سالانہ بنیاد پر 1.2 فیصد بڑھا اور معتدل بحالی برقرار رہی۔بین الاقوامی کموڈیٹیز کی قیمتوں میں تیزی سے اضافے، ملک کی کچھ صنعتوں میں طلب بڑھنے اور مارکیٹ میں مسابقت کے نظام میں بہتری جیسے عوامل کے اثرات کی وجہ سے پروڈیوسر پرائس انڈیکس ماہانہ بنیاد پر 1.7 فیصد بڑھا جبکہ پچھلے سال کی اسی مدت کے مقابلے میں یہ اضافہ 2.8 فیصد رہا ۔