چارلس شواب چیلنج گالف ٹورنامنٹ 28مئی سے امریکا میں شروع ہوگا

ٹورنامنٹ میں دنیائے گالف کی نامور کھلاڑی ٹائٹل کے حصول کے لئے ایکشن میں نظر آئیں گے

جمعرات 14 مئی 2026 13:58

واشنگٹن(اُردو پوائنٹ اخبارتازہ ترین - این این آئی۔ 14 مئی2026ء) چارلس شواب چیلنج گالف ٹورنامنٹ 28مئی سے امریکا میں شروع ہوگا۔ امریکی خبر رساں ادارے کے مطابق ٹورنامنٹ کے کامیاب انعقاد کے لئے تیاریاں عروج پر پہنچ گئیں۔پروفیشنل گالفرز ایسوسی ایشن آف امریکا(پی جی ای)کے زیر اہتمام ٹورنامنٹ میں دنیائے گالف کی نامور کھلاڑی ٹائٹل کے حصول کے لئے ایکشن میں نظر آئیں گے۔

ٹورنامنٹ میں امریکی گالف کھلاڑی بین گرفن اپنے اعزاز کا دفاع کریں گے۔

(جاری ہے)

ٹورنامنٹ کے لئے 99 لاکھ امریکی ڈالرز کی انعامی رقم مختص کی گئی ہے۔ 28 مئی سے شروع ہونے والا یہ ایونٹ چار روز جاری رہنے کے بعد 31 مئی کو اختتام پذیر ہوگا۔چارلس شواب کپ گالف ٹورنامنٹ امریکہ میں مقیم پی جی اے ٹور چیمپئنز کے سیزن کا آخری ایونٹ ہیجس میں 50 اور اس سے زائد عمر کے مرد گالفر شرکت کرتے ہیں۔قبل ازیں اس ایونٹ کو سینئر ٹور چیمپئن شپ کے نام سے جانا جاتا تھا۔ چارلس شواب چیلنج گالف ٹورنامنٹ امریکی ریاست ٹیکساس کے کالونیل کنٹری کلب میں کھیلا جائے گا۔ ٹورنامنٹ 71 ہولز پر سٹروک پلے کی بنیاد پر کھیلا جائے گا۔