پنجاب میں میٹرک نتائج کی ممکنہ تاریخیں سامنے آ گئیں

ْدہم جماعت کا رزلٹ 6اگست کو جاری ہونے کا امکان ،نہم جماعت کے نتائج 2 ستمبر کو جاری کرنے کی تجویز

جمعہ 15 مئی 2026 14:35

لاہور (اُردو پوائنٹ اخبارتازہ ترین - این این آئی۔ 15 مئی2026ء) پنجاب بھر میں میٹرک امتحانات کے نتائج کی ابتدائی تاریخیں فائنل کر لی گئی ہیں، جس کے مطابق دہم جماعت کا رزلٹ 6اگست کو جاری ہونے کا امکان ہے۔ تعلیمی بورڈز کی جانب سے اس حوالے سے باقاعدہ مشاورت مکمل کر لی گئی ہے جبکہ حتمی منظوری جلد متوقع ہے۔ذرائع کے مطابق نہم جماعت کے نتائج 2 ستمبر کو جاری کرنے کی تجویز دی گئی ہے، جس پر مختلف بورڈز کے درمیان اتفاق رائے پایا جاتا ہے۔

(جاری ہے)

حکام کا کہنا ہے کہ نتائج کے اعلان کے بعد طلبہ کو آن لائن پورٹلز کے ساتھ ساتھ متعلقہ بورڈ دفاتر سے بھی رزلٹ کارڈز حاصل کرنے کی سہولت فراہم کی جائے گی۔اسی سلسلے میں میٹرک کے سیکنڈ اینول امتحانات کا شیڈول بھی سامنے آ گیا ہے، جس کے مطابق یہ امتحانات 6اکتوبر سے شروع ہوں گے۔ بورڈ حکام کا کہنا ہے کہ سیکنڈ اینول امتحانات کے لیے داخلہ شیڈول بھی جلد جاری کر دیا جائے گا تاکہ طلبہ بروقت اپنی رجسٹریشن مکمل کر سکیں۔