غیر استعمال شدہ بجلی یونٹس کی مد میں کھربوں روپے کی وصولی چیلنج

لاہور ہائیکورٹ میں دائردرخواست میں نیپرا، وفاقی حکومت سمیت دیگر کو فریق بنایا گیا ہے

منگل 2 جون 2026 16:13

غیر استعمال شدہ بجلی یونٹس کی مد میں کھربوں روپے کی وصولی چیلنج

لاہور(اُردو پوائنٹ اخبارتازہ ترین - این این آئی۔ 02 جون2026ء) غیر استعمال شدہ بجلی یونٹس کی مد میں کھربوں روپے کی وصولی کو لاہور ہائیکورٹ میں چیلنج کر دیا گیا۔درخواست میں نیپرا، وفاقی حکومت سمیت دیگر کو فریق بنایا گیا ہے۔

(جاری ہے)

ہائیکورٹ میں دائر درخواست میں مؤقف اختیار کیا گیا کہ حکومت غیر استعمال شدہ بجلی یونٹس کی قیمت صارفین سے وصول کر رہی ہے، حکومت نے بجلی بلوں میں کیپسٹی چارجز پارلیمنٹ کی منظوری کے بغیر وصول کئے، مقامی انویسٹرز کو ڈالرز کے تناسب سے قومی گریڈ سے ادائیگی غیر آئینی ہے۔

درخواست میں استدعا کی گئی کہ عدالت سسٹم میں آنے والی بجلی کے تحت ادائیگیوں کا حکم دے، حکومت کو آئی پی پیز سے اضافی وصول کئے گئے کھربوں روپے واپس لینے کا حکم صادر کیا جائے۔درخواست میں مزید استدعا کی گئی کہ عدالت ملوث نیپرا سمیت دیگر حکام کے احتساب کا بھی حکم دے۔