پاکستان میں پولیو کا خاتمہ ہمارا قومی مقصد ہے، مصطفی کمال

پولیو کے خلاف قومی مہم کی کامیابی کیلئے نگرانی کے نظام مضبوط بنایا جائے، فیلڈ آپریشنز کو جدید تقاضوں سے ہم آہنگ کرتے ہوئے موثر اور مضبوط بنائیں، وفاقی وزیر

ہفتہ 6 جون 2026 19:10

کراچی (اُردو پوائنٹ اخبارتازہ ترین - این این آئی۔ 06 جون2026ء) وفاقی وزیر صحت مصطفی کمال نے کہا ہے کہ پاکستان میں پولیو کا خاتمہ ہمارا قومی مقصد ہے۔ترجمان وفاقی وزارت صحت کے مطابق کراچی میں مصطفی کمال کی زیر صدارت انسداد پولیو مہم پر اجلاس ہوا، جس میں ڈبلیو ایچ او، یونیسف اور دیگر اسٹیک ہولڈرز نے شرکت کی۔

(جاری ہے)

ترجمان کے مطابق صوبائی کوآرڈینیٹر سندھ پولیو نے وفاقی وزیر صحت کو پیشرفت اور کارکردگی پر بریفنگ دی، اس موقع پر حاصل شدہ نتائج، درپیش چیلنجز اور آئندہ کے لائحہ عمل کا جائزہ لیا گیا۔

وفاقی وزیر صحت ھنے کہا کہ پاکستان میں پولیو کا خاتمہ ہمارا قومی مقصد ہے، اس کے خاتمے کیلئے متعلقہ ادارے اور اسٹیک ہولڈرز مشترکہ اقدامات کو یقینی بنائیں۔انہوں نے کہا کہ پولیو کے خلاف قومی مہم کی کامیابی کیلئے نگرانی کے نظام مضبوط بنایا جائے، فیلڈ آپریشنز کو جدید تقاضوں سے ہم آہنگ کرتے ہوئے موثر اور مضبوط بنائیں۔مصطفی کمال نے کہا کہ پولیو کے خاتمے کیلئے تمام تر ضروری اقدامات کو یقینی بنائیں، عوام بچوں کو پولیو سے محفوظ رکھنے پولیو کے قطرے ضرور پلائیں۔