اتراکھنڈ، ہندو توا غنڈوں کا مسلم نوجوان پر بہیمانہ تشدد

جمعرات 2 جولائی 2026 16:48

دہرادون(اُردو پوائنٹ اخبارتازہ ترین - این این آئی۔ 02 جولائی2026ء) بھارتی ریاست اتراکھنڈ میں ہندو تواغندوں نے ایک مسلم نوجوان کو بہیمانہ مار پیٹ کا نشانہ بنایا۔نوجوان پر الزام لگایا گیا کہ وہ گھر کی چھت سے خواتین کو دیکھتا تھا۔کشمیرمیڈیاسروس کے مطابق غنڈوں کی قیادت ہندو توا گروپ سناتن سنسکرتی کا ایک رہنما ارادھا سیموال کر رہا تھا ۔

(جاری ہے)

حملے کا ویڈیو بھی وائرل ہوا ہے جس میں سیموال کو مسلم نوجوان کو بار بار تھپڑ مارتے ، اسکے بال کھینچتے ہوئے اور اسکے ساتھ ساتھ تمام مسلمانوں کو گالم گلوچ کا نشانہ بناتے ہوئے دیکھا جاسکتا ہے۔

اس دوران مسلم نوجوان کو اپنے اوپر لگائے جانے والے الزامات کی تردید کرتے ہوئے سنا جاسکتا ہے۔ ویڈیو میں ایک ہندو خاتون کو بھی نوجوان پر تشدد کرتے ہوئے دیکھا جاسکتا ہے ۔یہ خاتون مسلمانو ں کیخلاف انتہائی نفرت آمیز جملے کہتی ہے ،اور علاقے کے ہندوئوں کو خبردار کرتے ہے کہ اگر کسی نے مسلمانوں کو کرایہ پر گھر دیا تو وہ اسکے خلاف پولیس میں شکایت درج کرائے گی۔مسلم نوجوان پر تشدد کا یہ بہیمانہ واقعہ 29جون کو پیش آیا ہے۔ انسانی حقوق اور سول سوسائٹی کے کارکنوں کی طرف سے واقعے کی شدید مذمت کی جا رہی ہے ۔