ابراراحمد نے بھارتی بولر ورون چکراورتی کو پیچھے چھوڑ دیا

جمعرات 2 جولائی 2026 23:06

لاہور(اُردو پوائنٹ اخبارتازہ ترین - آن لائن۔ 02 جولائی2026ء) پاکستانی اسپنر ابرار احمد آئی سی سی مینز ٹی 20 بولرز کی رینکنگ میں بھارت کے ورون چکراورتی کو پیچھے چھوڑ کر دوسرے نمبر پر آگئے ہیں۔ابرار احمد 736 ریٹنگ پوائنٹس کے ساتھ ایک درجہ ترقی کے بعد دوسرے نمبر پر آگئے ہیں جبکہ افغانستان کے اسپنر راشد خان 753 پوائنٹس کے ساتھ سرفہرست ہیں۔

(جاری ہے)

ٹی 20 بیٹرز کی رینکنگ میں پاکستان کے اوپننگ بیٹر صاحبزادہ فرحان کی 848 ریٹنگ پوائنٹس کے ساتھ تیسری پوزیشن برقرار ہے جبکہ بھارت کے ایشان کشن اپنی ٹیم کے آؤٹ آف فارم بیٹر ابھیشیک شرما کو پیچھے چھوڑ کر دوبارہ پہلی پوزیشن پر آگئے ہیں۔

بابر اعظم ٹی 20 بیٹرز کی رینکنگ میں 42 ویں نمبر پر ہیں۔ٹی ٹوئنٹی آل راؤنڈرز کی رینکنگ میں پاکستان کے صائم ایوب کی تیسری پوزیشن برقرار ہے، زمبابوے کے کپتان سکندر رضا بدستور پہلے اور بھارت کے ہاردک پانڈیا دوسرے نمبر پر ہیں۔