اونٹ پال ممالک میں پاکستان دنیا کا 8واں بڑا ملک ہے،ماہرین ویٹرنری اینڈ اینیمل سائنسز

اونٹ کی اعلی نسل پروان چڑھاتے ہوئے گوشت اور دودھ کی پیداوار میں اضافے کی صورت میں نچلی سطح پر غربت کے خاتمے میں مدد مل سکتی ہے

اتوار 5 جولائی 2026 11:35

مکو آ نہ(اُردو پوائنٹ اخبارتازہ ترین - این این آئی۔ 05 جولائی2026ء) پاکستان میں اس وقت اونٹوں کی کل آبادی تقریبا 1.1ملین جبکہ اونٹ پال ممالک میں پاکستان دنیا کا 8واں بڑا ملک ہے۔

(جاری ہے)

مقامی جامعہ کے ماہرین ویٹرنری اینڈاینیمل سائنسز،لائیو سٹاک و ڈیری ڈویلپمنٹ نے بتایا کہ تھیریوجینالوجی کے شعبہ میں مصنوعی نسل کشی کیلئے خصوصی تربیت و مہارت درکار ہوتی ہے جس کے نتیجے میں اونٹ کی بہترین نسل کے فروغ اور گوشت ودودھ کی پیداوار میں اضافے کو یقینی بنایا جا سکتاہے۔

انہوں نے ماہرین حیوانات اور ویٹرنری سائنسدانوں پر زور دیاکہ وہ امبریوٹرانسفر تکنیک کے فروغ اور اس کیلئے درکار میکانزم تشکیل دینے کیلئے آگے بڑھیں تاکہ اونٹ پال کاروبار میں منافع بخش رجحانات کو رواج دیا جا سکے۔انہوں نے کہا کہ فوڈ سکیورٹی کے حوالے سے اونٹ کی اعلی نسل پروان چڑھاتے ہوئے گوشت اور دودھ کی پیداوار میں اضافے کی صورت میں نچلی سطح پر غربت کے خاتمے میں مدد مل سکتی ہے۔