اسحاق ڈار سے متعلق سوال پوچھنے پر گورنر سندھ نہال ہاشمی صحافی پر برہم

لاہور میں غیر ملکی لڑکیوں کے اغوا کیس میں آپ کو تفتیشی افسر لگا دوں؟ اپنی بیٹ میں رہو، میں نے ماس کمیونیکیشن پڑھا ہوا ہے، صحافی سے تکرار

فیضان ہاشمی پیر 6 جولائی 2026 15:04

اسحاق ڈار سے متعلق سوال پوچھنے پر گورنر سندھ نہال ہاشمی صحافی پر برہم

لاہور (اُردو پوائنٹ اخبارتازہ ترین۔ 06 جولائی2026ء) لاہور میں دوغیر ملکی خواتین کے اغواء اورمبینہ زیادتی کے واقعہ نائب وزیراعظم اسحاق ڈار اور ان کی فیملی شدید تنقید کی زد میں ہے، بات یہاں ختم نہیں ہوتی حکومتی وزراء اور ترجمان بھی اسحاق ڈاراور ان کی فیملی کے حوالے سے وضاحتیں دینے پر مجبور ہو گئے ہیں، ایسی ہی کچھ صورتحال کا سامنا گورنر سندھ نہال ہاشمی کو کرنا پڑ گیا، کراچی میں ایک تقریب کے دوران گورنر سندھ نہال ہاشمی اور ایک صحافی کے درمیان سوال و جواب کے دوران تلخ جملوں کا تبادلہ دیکھنے میں آیا۔

(جاری ہے)

صحافی کی جانب سے نائب وزیراعظم و وزیر خارجہ اسحاق ڈار سے متعلق سوال کیے جانے پر گورنر سندھ برہم ہو گئے۔ تقریب کے بعد میڈیا سے غیر رسمی گفتگو کے دوران صحافی نے اسحاق ڈار سے متعلق سوال کیا تو نہال ہاشمی نے سخت لہجہ اختیار کرتے ہوئے کہا، "لاہور میں غیر ملکی لڑکیوں کے اغوا کیس میں آپ کو تفتیشی افسر لگا دوں؟ اپنی بیٹ میں رہو۔" انہوں نے مزید کہا، "میں نے ماس کمیونیکیشن پڑھا ہوا ہے"، اور صحافی کو اپنے دائرہ کار میں رہنے کا مشورہ دیا۔ اس معاملے پر تاحال گورنر سندھ یا اسحاق ڈار کی جانب سے کوئی باضابطہ وضاحت یا مزید بیان سامنے نہیں آیا۔

لاہور میں غیر ملکی لڑکیوں کے اغوا کیس میں آپ کو تفتیشی افسر لگا دوں؟ اپنی بیٹ میں رہو، میں نے ماس کمیونیکیشن پڑھا ہوا ہے، اسحاق ڈار سے متعلق سوال پوچھنے پر گورنر سندھ نہال ہاشمی صحافی پر غصہ گئے pic.twitter.com/qPYkc4136m
— Israr Ahmed Rajpoot (@ia_rajpoot) July 6, 2026