انڈونیشیا میں نائب وزیرکرپشن کے الزام میں گرفتار‘ہتھکڑیاں اور قیدیوں کا لباس پہنا کر جیل منتقل کردیا گیا

نائب وزیر برائے امیگریشن سلَمی کریم کو امیگریشن دستاویزات کے اجراءمیںبے ضابطگیوں کے الزام میں گرفتار کر لیا گیا ہے ان پر مختلف معاملات میں کرپشن کے الزامات ہیں.رپورٹ

میاں محمد ندیم جمعرات 9 جولائی 2026 16:09

انڈونیشیا میں نائب وزیرکرپشن کے الزام میں گرفتار‘ہتھکڑیاں اور قیدیوں ..

جکارتا(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) انڈونیشیا میں بدعنوانی کے خلاف جاری کاروائیوں کے دوران نائب وزیر برائے امیگریشن سلَمی کریم کو امیگریشن دستاویزات کے اجراءمیںبے ضابطگیوں کے الزام میں گرفتار کر لیا گیا ہے ان پر مختلف معاملات میں کرپشن کے الزامات ہیں.

(جاری ہے)

نشریاتی ادارے کے مطابق انسدادِ بدعنوانی کے ادارے ”کے پی کے “کے ترجمان بودی پراسیتیو نے جمعرات کو سلَمی کریم کی گرفتاری کی تصدیق کی ترجمان کے مطابق مبینہ بدعنوانی 2023ءسے 2024ءکے دوران ہوئی، جب سلَمی کریم سابق صدر جوکو ویدودو کے دورِ حکومت میں ڈائریکٹر جنرل برائے امیگریشن کے عہدے پر فائز تھے. سلَمی کریم سے ” کے پی کے“ کے دفتر میں تقریباً 10 گھنٹے تک پوچھ گچھ کی گئی، جس کے بعد جمعرات کی صبح انہیں ہتھکڑیاں اور قیدیوں کی مخصوص جیکٹ پہنا کر گرفتار کر کے جیل منتقل کر دیا گیا ترجمان نے بتایا ہے کہ اس مقدمے میں مزید 7 افراد کو بھی مشتبہ قرار دیا گیا ہے، جبکہ کیس سے متعلق مزید تفصیلات بعد میں جاری کی جائیں گی.