Live Updates

تہران میں برطانوی سفیر کی طلبی ‘ایرانی وزارتِ خارجہ نے برطانوی سفیر کو احتجاجی مراسلہ دیا

مراسلے میں ایران نے سیکیورٹی الزامات پر احتجاج اور الزامات کو بے بنیاد قراردیا ہے. ایرانی ذرائع ابلاغ

میاں محمد ندیم جمعرات 9 جولائی 2026 16:16

تہران میں برطانوی سفیر کی طلبی ‘ایرانی وزارتِ خارجہ نے برطانوی سفیر ..

تہران(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) ایران نے برطانیہ کی جانب سے عائد کیے گئے سیکیورٹی الزامات پر احتجاج کرتے ہوئے برطانوی سفیر کو طلب کر لیا ایرانی ذرائع ابلاغ کے مطابق ایرانی وزارتِ خارجہ نے برطانوی سفیر کو احتجاجی مراسلہ بھی دیا ہے، جس میں برطانیہ کی جانب سے ایران پر لگائے گئے الزامات کو بے بنیاد قرار دیا گیا ہے.

(جاری ہے)

احتجاجی مراسلے میں ایران نے مطالبہ کیا ہے کہ برطانیہ ان گروہوں کی میزبانی بند کر دے جنہیں ایران دہشت گرد نیٹ ورکس قرار دیتا ہے رپورٹ کے مطابق برطانیہ نے 2024ءمیں برطانوی نژاد ایرانی صحافی پر حملے کے الزام میں ایران کو موردِ الزام ٹھہرایا تھا. رپورٹ کے مطابق اسی معاملے پر برطانیہ نے منگل کے روز ایرانی ناظم الامور کو بھی طلب کیا تھا برطانوی حکومت کے مطابق 2024ءمیں برطانوی نژاد ایرانی صحافی پر حملے میں ملوث رومانیہ کے 2 شہریوں کو گزشتہ ہفتے سزا سنائی گئی تھی جبکہ استغاثہ نے حملے میں ملوث افراد کو ایرانی حکومت کی پراکسی قرار دیا تھا.