Live Updates

امریکی حملوں میں چین اور روس کے تجارتی راستوں کے لیے استعمال ہونے والے ریلولے پل کو تباہ کرنے کی کوشش

پل کو جزوی نقصان پہنچا ہے‘حملوں میں تہران سے مشہد کے درمیان ریلوے لائنوں کونقصان پہنچنے کی وجہ سے ریلولے سروس معطل کردی گئی. رپورٹ

میاں محمد ندیم جمعرات 9 جولائی 2026 16:31

امریکی حملوں میں چین اور روس کے تجارتی راستوں کے لیے استعمال ہونے والے ..

تہران(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) امریکی حملوں کے دوران ایک ریلوے پل کو نشانہ بنایا گیا، جو چین اور روس کے تجارتی راستوں کے لیے استعمال ہوتا ہے ایرانی نشریاتی ادارے کے مطابق امریکی طیاروں نے پل پر بمباری کرکے اسے تباہ کرنے کی کوشش کی تاہم اسے جزوی نقصان پہنچا ہے. رپورٹ میں بتایا گیا ہے کہ ایک اور حملے میں تہران سے مشہد کے درمیان ریلوے لائنوں کو بھی تباہ کرنے کی کوشش کی گئی ہے جس کی وجہ سے مسافر ٹرینوں کی آمدورفت معطل کر دی گئی ہے ایرانی حکام کے مطابق یہ حملہ علی الصبح ریلوے ٹریک کے ایک حصے کو نشانہ بنا کر کیا گیا.

(جاری ہے)

ریلوے کمپنی نے بتایا کہ فنی اور آپریشنل ٹیمیں متاثرہ مقام پر پہنچ گئی ہیں اور ٹریک کی بحالی کے لیے کا کام شروع کر دیا گیا ہے کمپنی نے یقین دہانی کرائی کہ ریلوے سروس کو جلد از جلد بحال کرنے کی کوشش کی جا رہی ہے ریلوے کمپنی نے بتایا کہ رکی ہوئی ٹرینوں کے مسافروں کو بسوں کے ذریعے مشہد منتقل کرنے کے لیے منصوبہ تیار کر لیا گیا ہے. کمپنی نے مسافروں سے اپیل کی ہے کہ وہ ٹرینوں کی آمدورفت سے متعلق تازہ ترین معلومات کے لیے ریلوے کے مسافر سروس مرکز سے رابطے میں رہیں ٰایرانی سرکاری ذرائع ابلاغ نے اس سے قبل بتایا تھا کہ ایران کے جنوبی ساحل کے ساتھ متعدد مقامات پر دھماکوں کی آوازیں سنی گئیں، جس کے بعد امریکی سینٹرل کمانڈ نے اعلان کیا تھا کہ اس نے مسلسل دوسری رات ایران کے خلاف حملوں کی نئی کارروائی کی ہے.

امریکی سینٹرل کمانڈ کے بیان میں امریکی فوج نے جمعرات کو اعلان کیا کہ ایران کے خلاف نئی کارروائی مکمل کر لی گئی ہے بیان کے مطابق ان حملوں میں ایرانی ساحل کے ساتھ تقریباً 90 فوجی مقامات کو نشانہ بنایا گیا امریکی فوج کا کہنا تھا کہ ان حملوں کا مقصد آبنائے ہرمز میں بحری آمدورفت کو خطرے میں ڈالنے کی تہران کی صلاحیت کو کمزور کرنا ہے.