بلوچستان میں قیام امن کے لیے بے رحم آپریشن آخری دہشتگرد کے خاتمے تک جاری رہنا ملکی بقا کی ضمانت ہے۔ خواجہ رمیض حسن

آپریشن شعبان میں افواج پاکستان کی پیش ورانہ صلاحیتوں کی بدولت نمایاں کامیابیاں حاصل ہورہی ہیں ۔ فتنہ الخوارج اور فتنہ الہندوستان بلوچستان کے عوام کی وطن سے لازوال محبت کو متزلزل نہیں کرسکتے۔ رہنما ق لیگ

عمر جمشید پیر 13 جولائی 2026 15:46

بلوچستان میں قیام امن کے لیے بے رحم آپریشن آخری دہشتگرد کے خاتمے تک ..

لاہور (اُردو پوائنٹ اخبارتازہ ترین۔ 13 جولائی2026ء) مسلم لیگ ق کے رہنما خواجہ رمیض حسن نے پریس ریلیز میں کہا کہ افواجِ پاکستان اور نہتے شہریوں کے خون سے ہولی کھیلنے والے سفاک درندے کسی رعایت کے مستحق نہیں ۔ انہوں نے کہا کہ اس وقت پورا پاکستان اپنی افواج اور قانون نافذ کرنے والے اداروں کے شانہ بشانہ کھڑا ہے۔

(جاری ہے)

انہوں نے کہا کہ بھارتی اور اسرائیلی فنڈنگ پر پنپنے والے افغان نمک حرام وطن عزیز کی بقا کو چیلنج کر رہے ہیں جس کی کوئی رعایت کسی صورت ممکن نہیں۔

انہوں نے کہا آپریشن شعبان میں افواج پاکستان کی پیش ورانہ صلاحیتوں کی بدولت نمایاں کامیابیاں حاصل ہورہی ہیں ۔ فتنہ الخوارج اور فتنہ الہندوستان بلوچستان کے عوام کی وطن سے لازوال محبت کو متزلزل نہیں کرسکتے۔ بلوچستان میں قیام امن کے لیے بے رحم آپریشن آخری دہشتگرد کے خاتمے تک جاری رہنا ملکی بقا کی ضمانت ہے۔