ای او بی آئی ڈیفالٹ اداروں سے 6 ارب 45 کروڑ روپے شراکت رقم وصولی میں ناکام

منگل 14 جولائی 2026 19:37

اسلام آباد (اُردو پوائنٹ اخبارتازہ ترین - آن لائن۔ 14 جولائی2026ء) ای او بی آئی ڈیفالٹ کرنے والے اداروں سے 6 ارب 45 کروڑ روپے شراکت کی مد میں رقم وصول کرنے میں ناکام رہا ہے۔آڈیٹر جنرل کی رپورٹ کے مطابق مختلف ڈیفالٹنگ اداروں پر 6,458.474 ملین روپے واجب الادا ہیں۔ ان میں راولپنڈی ویسٹ مینجمنٹ کمپنی، بحریہ ٹاؤن (پرائیویٹ) لمیٹڈ، سوئی نادرن گیس پائپ لائنز لمیٹڈ راولپنڈی اور دیگر شامل ہیں۔

اس سلسلے میں آڈٹ نے 5,420 ڈیمانڈ نوٹسزجاری کیے تھے، مگر وصولیاں نہ ہوسکیں۔ آڈٹ رپورٹ کے مطابق ای او بی آئی کے ریجنل ہیڈز کو اسسٹنٹ کلیکٹر (گریڈ-1) کے اختیارات دیے گئے ہیں کہ وہ ان واجبات کو لینڈ ریونیو کے بقایا جات کی طرح وصول کریں، مگر انتظامیہ اس حوالے سے ناکام رہی۔ آڈٹ نے اسے انتظامیہ کی طرف سے واضح ناکامی قرار دیا ہے جس سے ای او بی آئی کو مالی نقصان ہوا۔

(جاری ہے)

ای او بی آئی انتظامیہ نے جواب میں کہا کہ آڈٹ میں رپورٹ کردہ رقم 6,458.47 ملین روپے تھی، تاہم ریجنل آفسز کی مسلسل پیروی کی بدولت 520 ملین روپے وصول کر لیے گئے ہیں۔ اب باقی 5,939.34 ملین روپے واجب ہیں، جن میں سے 1.46 ملین بند یونٹس اور 188.84 ملین روپے مقدماتِ عدالت میں الجھے ہوئے ہیں۔دپورٹ کے مطابق ڈی اے سی نے ایک سو بی آئی انتظامیہ کو ہدایت کی کہ باقی واجبات کی وصولی میں تیزی لائے اور آڈٹ سسٹم جنریٹڈ رپورٹس کی تصدیق کرے۔ آڈٹ نے ڈی اے سی کی ہدایات پر عملدرآمد کی سفارش کی ہی