Live Updates

یورپین ایوی ایشن سیفٹی ایجنسی کی یورپی پروازوں کو مشرق وسطیٰ کی حدود میں سفر نہ کرنے کی ہدایت

خلیجی فضائی حدود میں مسافر پروازوں کو غیرمتوقع میزائل اور ڈرون حملوں سے خطرہ ہے، یہ سفری ہدایت 29 جولائی تک نافذ العمل رہے گی۔ ای اے ایس اے کی ایڈوائزری

ثنااللہ ناگرہ منگل 14 جولائی 2026 19:04

یورپین ایوی ایشن سیفٹی ایجنسی کی یورپی پروازوں کو مشرق وسطیٰ کی حدود ..

لندن (اردوپوائنٹ اخبار تازہ ترین۔ انٹرنیشنل پریس ایجنسی۔ 14 جولائی 2026ء ) یورپین ایوی ایشن سیفٹی ایجنسی نے یورپی مسافر پروازوں کو مشرق وسطیٰ کے ممالک کی حدود میں نہ گزرنے کی ایڈوائزری جاری کردی ہے۔ میڈیا رپورٹ کے مطابق یورپین ایوی ایشن سیفٹی ایجنسی کا کہنا ہے کہ خلیجی فضائی حدود میں یورپی مسافر پروازوں کو میزائل اور ڈرون حملوں سے غیرمتوقع خطرہ ہے، جس کے باعث یورپی پروازوں کو بحرین، کویت، قطر، متحدہ عرب امارات اور عمان کی حدود میں پرواز نہیں کرنی چاہیے۔

(جاری ہے)

یورپی یونین ایوی ایشن سیفٹی ایجنسی کا کہنا ہے کہ یہ سفری ہدایت 29 جولائی تک نافذ العمل رہے گی۔

The European Union Aviation Safety Agency (EASA) has issued a warning regarding Gulf airspace.

As reciprocal attacks between the US and Iran continue, EASA has advised airlines to avoid flying through the airspace of Bahrain, Kuwait, Qatar, and the United Arab Emirates, as well… pic.twitter.com/T5mciIrfnU
— The Cradle (@TheCradleMedia) July 14, 2026

جبکہ خطے کی مجموعی سیکیورٹی صورتحال پر مسلسل نظر رکھی جا رہی ہے اور ضرورت پڑنے پر مزید حفاظتی اقدامات یا نئی ہدایات جاری کی جا سکتی ہیں۔ یاد رہے یورپی ایوی ایشن سیفٹی ایجنسی نے گزشتہ ہفتے ایران، عراق، لبنان کی فضائی حدود کے لیے بھی ہدایت جاری کی تھی۔