2 ارب روپے کی لاگت سے تعمیر کی گئی سڑک مون سون کی پہلی موسلادھار بارش برداشت نہ کرسکی

بارش کے پانی سے خیابان فردوسی پر گڑھا پڑگیا، 2 روز قبل اسی شاہراہ پر 3 مقامات پر گڑھے پڑے تھے

ثنااللہ ناگرہ جمعرات 23 جولائی 2026 22:07

2 ارب روپے کی لاگت سے تعمیر کی گئی سڑک مون سون کی پہلی موسلادھار بارش ..

لاہور (اردوپوائنٹ اخبار تازہ ترین۔ انٹرنیشنل پریس ایجنسی۔ 22 جولائی 2026ء ) لاہور میں مون سون کی موسلادھار بارشوں کا سلسلہ شروع ہوتے ہی مختلف شاہراہوں کے مختلف مقامات سے بیٹھنے کا سلسلہ شروع ہوگیا۔ میڈیا رپورٹس کے مطابق مون سون کی تیز بارشوں کے بعد شہر کی اہم ترین شاہراہ خیابانِ فردوسی روڈ پر ایک اور گڑھا پڑ گیا۔ گزشتہ 3 روز کے دوران اسی سڑک پر یہ دوسرا گڑھا ہے۔

دو ارب سے تیار ہوبے والی شاہراہ پر بارش کے بعد گڑھے پڑ گئے۔۔ مرکزی شاہراہ پر گڑھے پڑنے سے حادثات کا خدشہ بڑھ گیا ہے جبکہ ٹریفک کی روانی بھی جزوی طور پر متاثر ہوئی ہے۔ انتظامیہ نے سڑک کی مرمت کا کام شروع کر دیا ہے۔ سے "ماڈل روڈ" کے طور پر تعمیر کیا گیا تھا۔ ۔یہ پراجیکٹ جنوری 2025 میں شروع ہوا اور اسے چند ماہ میں مکمل ہونا تھا۔

(جاری ہے)

تاہم مسلسل تاخیر کے بعد منصوبہ جولائی 2026 میں تقریبا ڈیڑھ سال بعد مکمل ہوا۔

لیکن مون سون کی پہلی ہی شدید بارش نے سڑک کا معیار بے نقاب کر دیا۔ سڑک کے درمیان گڑھے پڑنے کے باعث حادثات کا خدشہ بڑھ گیا ہے۔ رش کے اوقات میں ٹریفک کی روانی بھی سست ہو گئی ہے۔ متعلقہ حکام کے مطابق مرمتی عملہ موقع پر پہنچ گیا ہے اور گڑھے کو جلد پر کیا جائے گا۔ واضح رہے کہ 2 روز قبل بھی اسی سڑک پر بارش کے باعث شادیوال سے شوکت خانم کی جانب 3مقامات پر گڑھے پڑ گئے تھے۔ اسی شاہراہ پر گزشتہ برس بھی متعدد مقامات پر گڑھے پڑے تھے، جبکہ گزشتہ چند سالوں کے دوران متعدد مرتبہ بارش کے بعد یہ سڑک مختلف مقامات پر بیٹھ چکی۔ ان تمام واقعات کے بعد مذکورہ سڑک کو اربوں روپے کی لاگت سے دوبارہ تعمیر کیا گیا، تاہم بارش کے بعد سڑک پر گڑھے پڑنے کا سلسلہ نہیں رک سکا۔