ڈی سی نے چند فٹ کے پُل کا تخمینہ ایک کروڑ80 لاکھ روپے لگایا جبکہ دوست انجینئر نے صرف6 لاکھ روپے میں بنا دیا

حیران تھا کہ چھوٹا سا پل اور پونے 2 کروڑ؟ یہ پیسا کہاں جاتا ہے؟ بھارتی وزیراعلی بھگونت مان نے بیوروکریسی کی مبینہ بدعنوانی پر سوال اٹھا دیا

ثنااللہ ناگرہ جمعرات 23 جولائی 2026 21:13

ڈی سی نے چند فٹ کے پُل کا تخمینہ ایک کروڑ80 لاکھ روپے لگایا جبکہ دوست ..

چندی گڑھ (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) بھارتی پنجاب کے وزیراعلی بھگونت مان کا کہنا ہے کہ انہوں نے ایک چھوٹا سا پل بنوانا تھا۔ ڈپٹی کمشنر کو کہا لاگت بنواؤ۔ ڈی سی نے ایک کروڑ اسی لاکھ کا تخمینہ لگایا۔ وزیراعلی حیران چھوٹا سا پل اور پونے دو کروڑ؟ وزیراعلی نے انجینئر دوست کو کہا اس نے چھ لاکھ روپے میں وہ پل بنوا دیا۔

میں نے کہا 5 کروڑ سال کا ملتا ہے ، ایک پل پر 2 کروڑ لگا دوں گا؟ میرا ایک دوست انجینئر ہے وہ مجھ سے جونیئر ہوتا تھا، وہ کہتا مجھ سے بنوا لو ، میں نے ان سے تخمینہ لگوایا، ہم نے وہ پُل 6 لاکھ روپے میں بنوا دیا، کہاں ایک کروڑ 80 لاکھ اور کہاں صرف 6 لاکھ روپے؟ یہ پیسا کہاں جاتا ہے؟ میں لوگوں کے پیسے کو اپنا پیسا سمجھتا ہوں، جس طرح ہم پیسا خرچ کرنے کیلئے دکاندارسے بحث کرتے ہیں، اس طرح پیسا خرچ کرتا ہوں۔

(جاری ہے)

ہم پُل بنا دیا وہ پل چل رہا ہے۔ میں ایک ایک پیسے کا حساب لیتا ہوں۔

یہ بھارتی پنجاب کے وزیراعلی بھگونت مان ہیں۔انہوں نے ایک چھوٹا سا پل بنوانا تھا۔ڈپٹی کمشنر کو کہا لاگت بنوائو۔ڈی سی نے ایک کروڑ اسی لاکھ کا تخمینہ لگایا۔وزیراعلی حیران چھوٹا سا پل اور پونے دو کروڑ؟
وزیراعلی نے انجینیر دوست کو کہا اس نے چھ لاکھ روپے میں وہ پل بنوا دیا۔
اس سے… pic.twitter.com/Q9UVChNzfN
— Rauf Klasra (@KlasraRauf) July 23, 2026

میں نے2019 میں 26 کروڑ 61لاکھ روپے کا حساب دیا تھا۔ مجھے ملتا 25کروڑ روپے ہے۔ ایک کروڑ ایک لاکھ کے لگ بھگ اس پیسے پر بینک سے منافع آیا تھا۔میں نے کہا یہ پیسا بھی عوام کا ہے، 60 لاکھ روپے پہلے وزیراعلیٰ کا پڑا ہوا تھا، جو وہ چھوڑ کر گئے تھے۔

کبھی پیسا کھایا نہیں بلکہ پلے سے لگاتے ہیں، یار دوستوں سے ادھار بھی لے لیتا ہوں، کرائے کے مکان میں رہتا ہوں۔ 2012 میں اثاثہ جات کا فارم بھرا، وہ میں نے بتا دی، 2014 میں بھرا تو پراپرٹی کم ہوگئی، کیونکہ میری کامیڈی سیریز بند کردی تھیں، آج مزید کم ہوگئی ہے۔ ہمارے اثاثے جیت کر بھی کم ہورہے ہیں جبکہ ان کے ہار کر بھی بڑھ رہے ہیں ایتھے جاندا خزانہ۔