دریاخان، بھکر کے کامیاب طلبہ مستقبل میں بھی اپنی صلاحیتوں کے بل بوتے پر ملک و قوم کا نام روشن کریں گے،وزیر تعلیم

جمعہ 7 اگست 2026 07:15

دریاخان (اُردو پوائنٹ اخبارتازہ ترین - اے پی پی۔ 07 اگست2026ء) وزیرِ تعلیم پنجاب رانا سکندر حیات نے سرگودھا بورڈ کے سالانہ امتحانات میں نمایاں پوزیشنیں حاصل کرنے والے ضلع بھکر کے طلبہ کو دلی مبارک باد دیتے ہوئے ان کی شاندار کامیابی کو محنت، لگن اور اساتذہ و والدین کی بہترین رہنمائی کا ثمر قرار دیا ہے۔

(جاری ہے)

اپنے تہنیتی پیغام میں وزیرِ تعلیم نے اعلان کیا کہ سرگودھا بورڈ سمیت پنجاب بھر کے پوزیشن ہولڈر طلبہ کو حکومت پنجاب کی جانب سے ایک لاکھ روپے نقد انعام اور ایک لیپ ٹاپ دیا جائے گا۔

انہوں نے کہا کہ یہ اقدام ذہین اور محنتی طلبہ کی حوصلہ افزائی، میرٹ کے فروغ، تعلیمی معیار کی بہتری اور باصلاحیت نوجوانوں کی سرپرستی کے حکومتی عزم کا مظہر ہے۔رانا سکندر حیات نے کہا کہ حکومت پنجاب وزیراعلیٰ پنجاب مریم نواز شریف کی قیادت میں طلبہ کو معیاری تعلیم اور جدید سہولیات کی فراہمی کے لیے عملی اقدامات کر رہی ہے۔ انہوں نے امید ظاہر کی کہ ضلع بھکر کے کامیاب طلبہ مستقبل میں بھی اپنی صلاحیتوں کے بل بوتے پر ملک و قوم کا نام روشن کریں گے۔\378