امریکا ، اسرائیل کے شام سے مذاکرات کامیاب، شام میں خفیہ مقام پر موجود نیوکلیئر مواد جلد ہٹائے جانے کا امکان

ٹرمپ انتظامیہ، شام اور اسرائیل کے درمیان اتفاقِ رائے ہوگیا ہے ‘مواد انٹرنیشنل اٹامک انرجی ایجنسی کے ذریعے قبضے میں لیا جائے گا. رپورٹ

میاں محمد ندیم منگل 11 اگست 2026 15:38

امریکا ، اسرائیل کے شام سے مذاکرات کامیاب، شام میں خفیہ مقام پر موجود ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) امریکی اور اسرائیلی حکام کے شام سے مذاکرات کامیاب ہوگئے جس کے بعد شام میں خفیہ مقام پر موجود نیوکلیئر مواد جلد ہٹائے جانے کا امکان ہے امریکی نشریاتی ادارے کے مطابق ٹرمپ انتظامیہ، شام اور اسرائیل کے درمیان اتفاقِ رائے ہوگیا ہے کہ انٹرنیشنل اٹامک انرجی ایجنسی(آئی اے ای اے) شام میں خفیہ مقام پر موجود نیوکلیئر مواد اپنے قبضے میں لے گی. شام کے خفیہ مقام سائٹ 99 پر موجود نیوکلیئر مواد اسرائیل اور امریکا کے لیے تشویش کا باعث رہا ہے بشارالاسد حکومت نے خفیہ نیوکلیئر پروگرام کے تحت الکِبار ری ایکٹر قائم کیا تھا۔

(جاری ہے)

بشار الاسد حکومت کے خاتمے کے بعد آئی اے ای اے کو شام کے نیوکلئیر مقامات تک رسائی حاصل ہوئی اسرائیل نے 2007 میں شام کے خفیہ الکِبار جوہری ری ایکٹر پر بمباری کی تھی. امریکی نیوز ویب سائٹ کی رپورٹ کے مطابق شام میں خفیہ نیوکلیئر مواد کے معاملے پر اسرائیل، امریکا اور شام کے درمیان کئی ماہ تک خفیہ سفارتی رابطے جاری رہے امریکی حکام کے مطابق اسرائیل نے شام سے نیوکلیئر مواد نہ ہٹائے جانے کی صورت میں سائٹ 99 پر دوبارہ حملے کی دھمکی دی اسرائیل کو سائٹ 99 پر موجود نیوکلیئر مواد کے حوالے سے شدید تحفظات تھے. امریکی حکام کا کہنا ہے کہ ٹرمپ انتظامیہ نے اسرائیل سے سائٹ 99 کے خلاف کوئی کارروائی نہ کرنے کی درخواست کی، اسرائیلی دھمکی کے بعد انٹرنیشنل اٹامک انرجی ایجنسی کو معاملے میں شامل کیا گیا رپورٹ کے مطابق اسرائیلی حکام کو خدشہ تھا کہ ترکیہ بھی شام کو سائٹ 99 سے نیوکلیئر مواد حاصل کرنے میں مدد دے سکتا ہے امریکی حکام کا کہنا ہے کہ شام کی موجودہ حکومت نے نیوکلئیر مواد تک رسائی کیلئے بھرپور ساتھ دیا.