لاہور میں ریکارڈ یافتہ ون ویلز کیخلاف بڑا اقدام، 120سے زائد موٹرسائیکلیں بلیک لسٹ

جمعرات 13 اگست 2026 16:01

لاہور (اُردو پوائنٹ اخبارتازہ ترین - این این آئی۔ 13 اگست2026ء) چیف ٹریفک پولیس لاہور سید عبدالرحیم شیرازی کا ریکارڈ یافتہ ویلرز کے خلاف بڑا اقدام، گذشتہ سال سے لیکر اب تک ون ویلنگ میں ملوث تمام موٹرسائیکلوں کو بلیک لسٹ کروا دیا گیا ۔ترجمان کے مطابق 120سے زائد موٹرسائیکلیں بلیک لسٹ،سیف سٹی کیمروں کی نظر میں آتے ہی فوری کارروائی ہوگی۔

(جاری ہے)

سی ٹی او عبدالرحیم شیرازی نے کہا کہ ون ویلنگ، روڈ ریسنگ اور خطرناک کرتب دکھانے والوں کی اب کوئی گنجائش نہیں، روڈ بلاک کرکے ہلڑبازی کرنے والوں کے خلاف قانون حرکت میں آئے گا، جشن آزادی پر ون ویلرز اور روڈ بلاک کرنے والے شرپسند عناصر کی نشاندہی کیلئے سیف سٹی کی بھی مدد لی جائے گی۔

سی ٹی او لاہور نے کہا کہ لاہور کی سڑکوں پر ون ویلنگ اور روڈ ریسنگ کرنے والوں کے خلاف زیرو ٹالرنس پالیسی ہے ،جشن آزادی کی آڑ میں ہلڑبازی، ون ویلنگ اور روڈ بلاکنگ کسی صورت برداشت نہیں کی جائے گی، والدین اپنے بچوں پر کڑی نظر رکھیں، جشن آزادی پر قانون شکنی کرنے والوں کے خلاف سخت ایکشن ہوگا۔