ڈیفنس میں ڈیڑھ سالہ بچی سے زیادتی اور قتل کیس، ملزم کے جسمانی ریمانڈ میں 4 روز کی توسیع

جمعرات 13 اگست 2026 16:07

کراچی (اُردو پوائنٹ اخبارتازہ ترین - این این آئی۔ 13 اگست2026ء) : جوڈیشل مجسٹریٹ جنوبی کی عدالت کے روبرو ڈیفنس میں ڈیڑھ سالہ بچی کے ساتھ زیادتی اور قتل کے مقدمے میں گرفتار ملزم منان کو جسمانی ریمانڈ مکمل ہونے پر پیش کیا گیا۔

(جاری ہے)

تفتیشی افسر نے ملزم کے مزید جسمانی ریمانڈ کی استدعا کی، جس پر عدالت نے ملزم کے جسمانی ریمانڈ میں چار روز کی توسیع کردی۔ عدالت نے آئندہ سماعت پر تفتیش میں پیش رفت کی رپورٹ بھی طلب کرلی۔پولیس کے مطابق 4 اگست کو ملزم اپنے رشتے دار کی بچی کو چیز دلانے کے بہانے باہر لے کر گیا۔ واپس لانے پر بچی بے ہوش تھی اور اس کے کپڑے خون آلود تھے۔بچی کو جناح اسپتال منتقل کیا گیا جہاں وہ دم توڑ گئی۔ ملزم کے خلاف تھانہ ڈیفنس میں مقدمہ درج کیا گیا تھا۔