پاکستانی طالبہ دیا بھاٹیا نے یونیورسٹی آف لندن کے ایل ایل بی آنرز میں عالمی ریکارڈ قائم کردیا

جمعرات 13 اگست 2026 20:05

اسلام آباد (اُردو پوائنٹ اخبارتازہ ترین - این این آئی۔ 13 اگست2026ء) اسلام آباد کے نجی کالج کی طالبہ دیا انیل بھاٹیا نے یونیورسٹی آف لندن کے 3سالہ ایل ایل بی آنرز میں 10 ڈسٹنکشنز حاصل کر کے نیا عالمی ریکارڈ قائم کر دیا۔ اس حوالے سے منعقدہ تقریب میں برطانیہ سے آئے اساتذہ نے شرکت کی۔

(جاری ہے)

جامشورو سندھ سے تعلق رکھنے والی پاکستان کی ہونہار طالبہ دیا انیل بھاٹیا نے یونیورسٹی آف لندن کے ایل ایل بی آنرز میں 10ڈسٹنکشنز کیساتھ دنیا بھر میں اعلی ترین نمبر حاصل کر کے عالمی ریکارڈ قائم کر دیا ہے اور تعلیمی میدان میں پاکستان کا نام روشن کیا ہے۔

دیا انیل بھاٹیا کی اس شاندار کامیابی پر اسلام آباد نجی کالج میں پروقار تقریب کا انعقاد کیا گیاجس میں یونیورسٹی آف لندن سے آئے اساتذہ نے شرکت کی اور طالبہ کیلئے نیک خواہشات کا اظہار کیا۔اسلام آباد اسکول آف لا کی طالبہ کے اعزاز میں منعقدہ تقریب میں عالمی ریکارڈ بنانے والے ٹاپر اور دیگر نمایاں طلبہ میں شیلڈز بھی تقسیم کی گئیں۔تعلیمی ماہرین کے مطابق دیا انیل بھاٹیا نے کہا کہ وہ پاکستانی خواتین خاص کر اقلیتی برادری کی خواتین کیلئے کام کرنا چاہتی ہیں۔