صدر مملکت کی متعدد سمریوں کی منظوری، 1,172 اہلکاروں کو فوجی اعزازات دینے کی منظوری

یومِ آزادی اور عید میلاد النبی ﷺ کے موقع پر اہل قیدیوں کی سزاؤں میں100 روز کی خصوصی معافی کی بھی منظوری

جمعہ 14 اگست 2026 13:25

صدر مملکت کی متعدد سمریوں کی منظوری، 1,172 اہلکاروں کو فوجی اعزازات دینے ..

اسلام آباد(اُردو پوائنٹ اخبارتازہ ترین - این این آئی۔ 14 اگست2026ء) صدر مملکت آصف علی زرداری نے وزیراعظم کی جانب سے بھجوائی گئی متعدد سمریوں کی منظوری دیدی ہے۔

(جاری ہے)

ایوان صدر کے پریس ونگ سے جمعہ کو جاری بیان کے مطابق صدر مملکت نے مسلح افواج اور سول آرمڈ فورسز کے 1,172 اہلکاروں کو فوجی اعزازات دینے کی منظوری دی ہے، مختلف سول شعبوں سے تعلق رکھنے والے شہریوں کو قومی اعزازات دینے کی بھی منظوری دی گئی ہے۔ صدر مملکت نے 17 اگست کو قومی اسمبلی کااجلاس شام 5 بجے اور سینیٹ کا اجلاس شام 4 بجے طلب کرنے کی منظوری دیدی ہے۔ صدر آصف علی زرداری نے یومِ آزادی اور عید میلاد النبی ﷺ کے موقع پر اہل قیدیوں کی سزاؤں میں100 روز کی خصوصی معافی کی منظوری بھی دی ہے۔