الحمدللہ آج پاکستان دنیا کے طاقتور ممالک کی صف میں کھڑا ہے. عظمیٰ بخاری

پاکستان نے 1947 سے لیکر آج تک جو سفر طے کیا ہے وہ انتہائی قابلِ قدر اور قابلِ فخر ہے. وزیراطلاعات پنجاب کا بیان

میاں محمد ندیم جمعہ 14 اگست 2026 19:25

الحمدللہ آج پاکستان دنیا کے طاقتور ممالک کی صف میں کھڑا ہے. عظمیٰ بخاری

لاہور(اردوپوائنٹ اخبارتازہ ترین-انٹرنیشنل پریس ایجنسی۔14 اگست ۔2026 ) وزیراطلاعات و ثقافت پنجاب عظمیٰ بخاری نے جشن آزادی کے موقع پر اپنے خصوصی ویڈیو پیغام میں پوری قوم کو وزیراعلیٰ پنجاب مریم نواز شریف اور اپنی جانب سے جشن آزادی کی مبارکباد پیش کی ہے. عظمیٰ بخاری نے کہا کہ پاکستان ہمیں پلیٹ میں رکھ کر نہیں ملا بلکہ اس ملک کے حصول کے لیے ہمارے آباﺅ اجداد نے بے شمار قربانیاں دیں 1947 سے آج تک پاکستان نے جو سفر طے کیا ہے وہ انتہائی قابل قدر اور قابلِ فخر ہے وزیر اطلاعات پنجاب نے کہا کہ آج پاکستان کو ہر فورم پر عزت مل رہی ہے دنیا میں ثالثی کی بات ہو، جنگ رکوانے کی بات ہو یا بڑے فیصلے کا معاملہ ہو، ہر جگہ پاکستان کا نام آتا ہے.

(جاری ہے)

انہوں نے کہاکہ پاکستان آج دنیا کے طاقتور ممالک کی صف میں کھڑا ہے آج کے دن ہمیں اس عزم کا ارادہ کرنا ہے کہ پاکستان کو آگے بڑھانے کے لیے سب کو اپنا کردار ادا کرنا ہوگا وزیراعظم شہباز شریف اور فیلڈ مارشل سید عاصم منیر کی قیادت میں پاکستان نے ترقی کرنی ہے. عظمیٰ بخاری نے وزیراعلیٰ پنجاب مریم نواز شریف کی کارکردگی کو سراہتے ہوئے کہا کہ وزیراعلیٰ پنجاب کی کارکردگی کا پورا پاکستان معترف ہے میری دعا ہے کہ پنجاب کی طرح باقی صوبوں میں بھی ترقی ہو انہوں نے اپنے پیغام کے اختتام پر دعا کرتے ہوئے کہا کہ پاکستان کے لوگ اسی طرح آگے بڑھیں، ترقی کریں اور ملک مزید خوشحالی کی جانب گامزن ہو.