محسن نقوی کا ضیاء لانگو سے ٹیلیفونک رابطہ , قافلے پر حملے کی پرزور مذمت، حملہ ناکام بنانے پر پولیس کو خراج تحسین

اتوار 16 اگست 2026 20:20

اسلام آباد(اُردو پوائنٹ اخبارتازہ ترین - این این آئی۔ 16 اگست2026ء) وفاقی وزیرداخلہ محسن نقوی نے وزیر داخلہ بلوچستان ضیاء لانگو سے ٹیلیفونک رابطہ کیا۔وزیرداخلہ محسن نقوی نے ضیاء لانگو کے قافلے پر حملے کی پرزور مذمت کی۔وزیرداخلہ محسن نقوی نے ضیاء لانگو کی خیریت دریافت کی۔

(جاری ہے)

وزیرداخلہ محسن نقوی نے حملہ ناکام بنانے پر پولیس کو خراج تحسین پیش کیا۔ وزیر داخلہ محسن نقوی نے کہا کہ اللہ تعالیٰ کا شکر ہے کہ آپ محفوظ رہے،بلوچستان کے عوام اور پولیس نے دہشتگردی کے خلاف بے شمار قربانیاں دی ہیں۔وفاقی حکومت بلوچستان حکومت اور عوام کے ساتھ کھڑی ہے۔ضیاء لانگو نے کہا کہ دہشتگردی کے خلاف جنگ کو منطقی انجام تک پہنچایا جائے گا۔امن دشمنوں کے مذموم عزائم کو مل کر ناکام بنائیں گے۔