ایبٹ آباد ،وفاقی محتسب کے فیصلے پر پاکستان بیت المال نے چار مستحق شہریوں کو 6 لاکھ روپے کے چیک جاری کردیئے

جمعہ 21 اگست 2026 16:34

ایبٹ آباد (اُردو پوائنٹ اخبارتازہ ترین - اے پی پی۔ 21 اگست2026ء) وفاقی محتسب ریجنل آفس ایبٹ آباد کے فیصلوں پر پاکستان بیت المال نے عملدرآمد کرتے ہوئے چار مستحق شہریوں کو علاج،تعلیم اور مالی معاونت کی مد میں مجموعی طور پر 6 لاکھ روپے کے چیک جاری کردیئے۔

(جاری ہے)

وفاقی محتسب کی جانب سے جاری بیان کے مطابق مانسہرہ کے ایک شہری کے علاج کے لیے آئی نور ہسپتال ایبٹ آباد کو 3 لاکھ 50 ہزار روپے،دوسرے شہری کے علاج کے لیے کنگ عبداللہ ہسپتال مانسہرہ کو ایک لاکھ 60 ہزار روپے ، ایک مستحق طالبہ کے تعلیمی اخراجات کے لیے ہزارہ یونیورسٹی کو60 ہزار روپے کا وظیفہ جاری کیا گیا جبکہ ایک اور مستحق شہری کو مالی معاونت کی مد میں 30 ہزار روپے کا امدادی چیک دیا گیا۔

وفاقی محتسب ریجنل آفس ایبٹ آباد نے شہریوں کو بروقت ریلیف کی فراہمی کے لیے متعلقہ اداروں کو فیصلوں پر فوری عملدرآمد کی ہدایت کی تھی جس پر پاکستان بیت المال نے کارروائی مکمل کرتے ہوئے مالی امداد جاری کردی۔